کائنات کا حساب

 ﺳﻮﺭﺝ ﻓﻀﺎ ﻣﯿﮟ ﺍﯾﮏ ﻣﻘﺮﺭ ﺭﺍﺳﺘﮧ ﭘﺮ ﭘﭽﮭﻠﮯ ﭘﺎﻧﭻ ﺍﺭﺏ ﺳﺎﻝ ﺳﮯ ﭼﮫ ﺳﻮ ﻣﯿﻞ ﻓﯽ ﺳﯿﮑﻨﮉ ﮐﯽ ﺭﻓﺘﺎﺭ ﺳﮯ ﻣﺴﻠﺴﻞ ﺑﮭﺎﮔﺎ ﺟﺎ ﺭﮨﺎ ﮨﮯ۔ ﺍﺱ ﮐﮯ ﺳﺎﺗﮫ ﺳﺎﺗﮫ ﺍﺱ ﮐﺎ ﺧﺎﻧﺪﺍﻥ ، ٩ ﺳﯿﺎﺭﮮ ، 27 ﭼﺎﻧﺪ ﺍﻭﺭ ﻻﮐﮭﻮﮞ ﻣﯿﮍﺍﺋﭧ ‏( Meteorite ‏) ﮐﺎ ﻗﺎﻓﻠﮧ ﺍﺳﯽ ﺭﻓﺘﺎﺭ ﺳﮯ ﺟﺎ ﺭﮨﺎ ﮨﮯﮐﺒﮭﯽ ﻧﮩﯿﮟ ﮨﻮﺍ ﮐﮧ ﺗﮭﮏ ﮐﺮ ﮐﻮﺋﯽ ﭘﯿﭽﮭﮯ ﺭە ﺟﺎﮰ ﯾﺎ ﻏﻠﻄﯽ ﺳﮯ ﮐﻮﺋﯽ ﺍِﺩﮬﺮ ﺍُﺩﮬﺮ ﮨﻮ ﺟﺎﮰ۔ ﺳﺐ ﺍﭘﻨﯽ ﺍﭘﻨﯽ ﺭﺍە ﭘﺮ ﺍﭘﻨﮯ ﺍﭘﻨﮯ ﭘﺮﻭﮔﺮﺍﻡ ﮐﮯ ﻣﻄﺎﺑﻖ ﻧﮩﺎﯾﺖ ﺗﺎﺑﻌﺪﺍﺭﯼ ﺳﮯ ﭼﻠﮯ ﺟﺎ ﺭﮨﮯ ﮨﯿﮟ۔
 ﺍﺏ ﺑﮭﯽ ﺍﮔﺮ ﮐﻮﺋﯽ ﮐﮩﮯ ﭼﻠﺘﮯ ﮨﯿﮟ ﻟﯿﮑﻦ ﭼﻼﻧﮯ ﻭﺍﻻ ﮐﻮﺋﯽ ﻧﮩﯿﮟ ، ﮈﯾﺰﺍﯾﻦ ﮨﮯ، ﻟﯿﮑﻦ ﺫﯾﺰﺍﺋﻨﺮ ﻧﮩﯿﮟ ، ﻗﺎﻧﻮﻥ ﮨﮯ، ﻟﯿﮑﻦ ﻗﺎﻧﻮﻥ ﮐﻮ ﻧﺎﻓﺬ ﮐﺮﻧﮯ ﻭﺍﻻ ﻧﮩﯿﮟ ﮐﻨﭩﺮﻭﻝ ﮨﮯ،ﻟﯿﮑﻦ ﮐﻨﭩﺮﻭﻟﺮ ﻧﮩﯿﮟ ﺑﺲ ﯾﮧ ﺳﺐ ﺍﯾﮏ ﺣﺎﺩﺛﮧ ﮨﮯ۔ ﺍﺳﮯ ﺁﭖ ﮐﯿﺎ ﮐﮩﯿﮟ ﮔﮯ؟
 ﭼﺎﻧﺪ ﺗﯿﻦ ﻻﮐﮫ ﺳﺘﺮ ﮨﺰﺍﺭ ﻣﯿﻞ ﺩﻭﺭ ﺯﻣﯿﻦ ﭘﺮ ﺳﻤﻨﺪﺭﻭﮞ ﮐﮯ ﺍﺭﺑﻮﮞﮑﮭﺮﺑﻮﮞ ﭨﻦ ﭘﺎﻧﯿﻮﮞ ﮐﻮ ﮨﺮ ﺭﻭﺯ ﺩﻭ ﺩﻓﻌﮧ ﻣﺪﻭ ﺟﺰﺭ ﺳﮯ ﮨﻼﺗﺎ ﺭﮨﺘﺎ ﮨﮯ ﺗﺎ ﮐﮧ ﺍﻥ ﻣﯿﮟ ﺑﺴﻨﮯ ﻭﺍﻟﯽ ﻣﺨﻠﻮﻕ ﮐﮯ ﻟﮱ ﮨﻮﺍ ﺳﮯ ﻣﻨﺎﺳﺐ ﻣﻘﺪﺍﺭ ﻣﯿﮟ ﺁﮐﺴﯿﺠﻦ ﮐﺎ ﺍﻧﺘﻈﺎﻡ ﮨﻮﺗﺎ ﺭﮨﮯ ، ﭘﺎﻧﯽ ﺻﺎﻑ ﮨﻮﺗﺎ ﺭﮨﮯ ،ﺍﺱ ﻣﯿﮟ ﺗﻌﻔﻦ ﭘﯿﺪﺍ ﻧﮧ ﮨﻮ۔ ﺳﺎﺣﻠﯽ ﻋﻼﻗﻮﮞ ﮐﯽ ﺻﻔﺎﺋﯽ ﮨﻮﺗﯽ ﺭﮨﮯ ﺍﻭﺭ ﻏﻼﻇﺘﯿﮟ ﺑﮩﮧ ﮐﺮ ﮔﮩﺮﮮ ﭘﺎﻧﯿﻮﮞ ﻣﯿﮟ ﭼﻠﺘﯽ ﺟﺎﺋﯿﮟ۔
 ﯾﮩﯽ ﻧﮩﯿﮟ ﺑﻠﮑﮧ ﺳﻤﻨﺪﺭﻭﮞ ﮐﺎ ﭘﺎﻧﯽ ﺍﯾﮏ ﺧﺎﺹ ﻣﻘﺪﺍﺭ ﻣﯿﮟ ﮐﮭﺎﺭﺍ ﮨﮯ۔ ﭘﭽﮭﻠﮯ ﺗﯿﻦ ﺍﺭﺏ ﺳﺎﻝ ﺳﮯ ﻧﮧ ﺯﯾﺎﺩە ﻧﮧ ﮐﻢ ﻧﻤﮑﯿﻦ ﺑﻠﮑﮧ ﺍﯾﮏ ﻣﻨﺎﺳﺐ ﺗﻮﺍﺯﻥ ﺑﺮﻗﺮﺍﺭ ﺭﮐﮭﮯ ﮨﻮﮰ ﮨﮯ ﺗﺎﮐﮧ ﺍﺱ ﻣﯿﮟ ﭼﮭﻮﭨﮯ ﺑﮍﮮ ﺳﺐ ﺁﺑﯽ ﺟﺎﻧﻮﺭ ﺁﺳﺎﻧﯽ ﺳﮯ ﺗﯿﺮ ﺳﮑﯿﮟ ﺍﻭﺭ ﻣﺮﻧﮯ ﮐﮯ ﺑﻌﺪ ﺍﻥ ﮐﯽ ﻻﺷﻮﮞ ﺳﮯ ﺑُﻮ ﻧﮧ ﭘﮭﯿﻠﮯ۔ﺍﻧﮩﯽ ﻣﯿﮟ ﮐﮭﺎﺭﯼ ﺍﻭﺭ ﻣﯿﭩﮭﮯ ﭘﺎﻧﯽ ﮐﯽ ﻧﮩﺮﯾﮟ ﺑﮭﯽ ﺳﺎﺗﮫ ﺳﺎﺗﮫ ﺑﮩﺘﯽ ﮨﯿﮟ ۔ ﺳﻄﺢ ﺯﻣﯿﻦ ﮐﮯ ﻧﯿﭽﮯ ﺑﮭﯽ ﻣﯿﭩﮭﮯ ﭘﺎﻧﯽ ﮐﮯ ﺳﻤﻨﺪﺭ ﮨﯿﮟ ﺟﻮ ﮐﮭﺎﺭﮮ ﭘﺎﻧﯽ ﮐﮯ ﮐﮭﻠﮯ ﺳﻤﻨﺪﺭﻭﮞ ﺳﮯ ﻣﻠﮯ ﮨﻮ ﮰ ﮨﯿﮟ۔ ﺳﺐ ﮐﮯ ﺩﺭﻣﯿﺎﻥ ﺍﯾﮏ ﻏﯿﺐ ﭘﺮﺩە ﮨﮯ ﺗﺎﮐﮧ ﻣﯿﭩﮭﺎ ﭘﺎﻧﯽ ﻣﯿﭩﮭﺎ ﺭﮨﮯ ﺍﻭﺭ ﮐﮭﺎﺭﺍ ﭘﺎﻧﯽ ﮐﮭﺎﺭﺍ۔
 ﺍﺱ ﺣﯿﺮﺍﻥ ﮐﻦ ﺍﻧﺘﻈﺎﻡ ﮐﮯ ﭘﯿﭽﮭﮯ ﮐﻮﻥ ﺳﯽ ﻋﻘﻞ ﮨﮯ ؟ ﺍﺱ ﺗﻮﺍﺯﻥ ﮐﻮ ﮐﻮﻥ ﺑﺮﻗﺮﺍﺭ ﺭﮐﮭﮯ ﮨﻮﮰ ﮨﮯ ؟
ﮐﯿﺎ ﭘﺎﻧﯽ ﮐﯽ ﺍﭘﻨﯽ ﺳﻮﭺ ﺗﮭﯽ ﯾﺎ ﭼﺎﻧﺪ ﮐﺎ ﻓﯿﺼﻠﮧ؟
 ﺳﺎﮌﮬﮯ ﭼﻮﺩە ﺳﻮ ﺳﺎﻝ ﭘﮩﻠﮯ ﺟﺐ ﺟﺪﯾﺪ ﺳﺎﺋﻨﺲ ﮎ ﮐﻮﺋﯽ ﻭﺟﻮﺩ ﻧﮩﯿﮟ ﺗﮭﺎ۔ﻋﺮﺏ ﮐﮯ ﺻﺤﺮﺍﺯﺩە ﻣﻠﮏ ﻣﯿﮟ ﺟﮩﺎﮞ ﮐﻮﺋﯽ ﺳﮑﻮﻝ ﺍﻭﺭ ﮐﺎﻟﺞ ﻧﮩﯿﮟ ﺗﮭﺎ، ﺍﯾﮏ ﺁﺩﻣﯽ ﺍُﭨﮫ ﮐﮯ ﺳﻮﺭﺝ ﺍﻭﺭ ﭼﺎﻧﺪ ﮐﮯ ﺑﺎﺭﮮ ﮐﮩﺘﺎ ﮨﮯ ﮐﮧ ﯾﮧ ﺳﺐ ﺍﯾﮏ ﺣﺴﺎﺏ ﮐﮯ ﭘﺎﺑﻨﺪ ﮨﯿﮟ ۔ " ﻭﺍﺷﻤﺲ ﻭﺍﻟﻘﻤﺮ ﺑﺤﺴﺒﺎﻥ " ‏( ﺳﻮﺭە ﺍﻟﺮﺣﻤٰﻦ ﺁﯾﺖ ۵ ‏)
 ﺳﻤﻨﺪﺭﻭﮞ ﮐﯽ ﮔﮩﺮﺍﺋﯿﻮﮞ ﮐﮯ ﻣﺘﻌﻠﻖ ﺑﺘﺎﺗﺎ ﮨﮯ ﮐﮧ " ﺑﯿﻨﮭﻤﺎ ﺑﺮﺯﺥ ﻻ ﯾﺒﻐﯿٰﻦ " ﺍﻥ ﮐﮯ ﺩﺭﻣﯿﺎﻥ ﺑﺮﺯﺥ ‏( Barrier ‏) ﮨﮯ ﺟﻮ ﻗﺎﺑﻮ ﻣﯿﮟ ﺭﮐﮭﮯ ﮨﻮﮰ ﮨﮯ " ۔ ‏( ﺳﻮﺭۃ ﺍﻟﺮﺣﻤٰﻦ ﺁﯾﺖ ٢٠ ‏)
 ﺟﺐ ﺳﺘﺎﺭﻭﮞ ﮐﻮ ﺍﭘﻨﯽ ﺟﮕﮧ ﻟﭩﮑﮯ ﮨﻮﮰ ﭼﺮﺍﻍ ﮐﮩﺎ ﺟﺎﺗﺎ ﺗﮭﺎ ﻭە ﮐﮩﺘﺎ ﮨﮯ " ﻭﮐﻞ ﻓﯽ ﻓﻠﮏ ﯾﺴﺒﺤﻮﻥ " ﯾﻌﻨﯽ ﺳﺐ ﮐﮯ ﺳﺐ ﺍﭘﻨﯽ ﻣﺪﺍﺭ ﭘﺮ ﺗﯿﺮ ﺭﮨﮯ ﮨﯿﮟ ‏( ﺳﻮﺭە ﯾٰﺴﯿﻦ ﺁﯾﺖ ۴٠ ‏)
 ﺟﺐ ﺳﻮﺭﺝ ﮐﻮ ﺳﺎﮐﻦ ﺗﺼﻮﺭ ﮐﯿﺎ ﺟﺎﺗﺎ ﺗﮭﺎ ﻭە ﮐﮩﺘﺎ ﮨﮯ " ﻭﺍﻟﺸﻤﺲ ﺗﺠﺮﯼ ﻟﻤﺴﺘﻘﺮﻟﮭﺎ " ﯾﻌﻨﯽ ﺳﻮﺭﺝ ﺍﭘﻨﮯ ﻟﺌﮯ ﻣﻘﺮﺭﺷﺪە ﺭﺍﺳﺘﮯ ﭘﺮ ﮐﺴﯽ ﺍﻧﺠﺎﻧﯽ ﻣﻨﺰﻝ ﮐﯽ ﻃﺮﻑ ﮨﻤﯿﺸﮧ ﺳﮯ ﭼﻼ ﺁ ﺭﮨﺎ ﮨﮯ ۔ ‏( ﺳﻮﺭە ﯾٰﺴﯿﻦ ﺁﯾﺖ ٣٨ ‏)
 ﺟﺐ ﮐﺎﺋﻨﺎﺕ ﮐﻮ ﺍﯾﮏ ﺟﺎﻣﺪ ﺁﺳﻤﺎﻥ ‏( ﭼﮭﺖ ‏) ﮐﻮ ﮐﮩﺎ ﺟﺎﺗﺎ ﺗﮭﺎ ﻭە ﮐﮩﺘﺎ ﮨﮯ ﯾﮧ ﭘﮭﯿﻞ ﺭﮨﯽ ﮨﮯ " ﻭﺍﻧﺎ ﻟﻤﻮﺳﻌﻮﻥ " ‏( ﺳﻮﺭە ﺍﻟﺬﺭﯾﺎﺕ،  ‏)
 ﻭە ﻧﺒﺎﺗﺎﺕ ﺍﻭﺭ ﺣﯿﻮﺍﻧﯽ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ ﺑﺘﺎﺗﺎ ﮨﮯ ﮐﮧ ﺍﻥ ﺳﺐ ﮐﯽ ﺑﻨﯿﺎﺩ ﭘﺎﻧﯽ ﮨﮯ۔ ﺍﻟﺒﺮﭦ ﺁﺋﻦ ﺳﭩﺎﺋﻦ ﺍﭘﻨﯽ ﺩﺭﯾﺎﻓﺖ " ﻗﻮﺍﻧﯿﻦ ﻗﺪﺭﺕ ﺍﭨﻞ ﮨﯿﮟ " ﭘﺮ ﺟﺪﯾﺪ ﺳﺎﺋﻨﺲ ﮐﺎ ﺑﺎﻧﯽ ﮐﮩﻼﺗﺎ ﮨﮯ ﻟﯿﮑﻦ ﺍﺱ ﻧﮯ ﺑﮩﺖ ﭘﮩﻠﮯ ﺑﺘﺎﯾﺎ " ﻣﺎﺗﺮﯼ ﻓﯽ ﺧﻠﻖ ﺍﻟﺮﺣﻤٰﻦ ﻣﻦ ﺗﻘٰﻮﺕ " ﺗﻢ ﺭﺣﻤٰﻦ ﮐﯽ ﺗﺨﻠﯿﻖ ﻣﯿﮟ ﮐﺴﯽ ﺟﮕﮧ ﻓﺮﻕ ﻧﮩﯿﮟ ﭘﺎﻭٴ ﮔﮯ۔ ‏( ﺳﻮﺭە ﺍﻟﻤﻠﮏ ﺁﯾﺖ ٣ ‏)
 ﺟﺪﯾﺪ ﺳﺎﺋﻨﺲ ﮐﯽ ﺍﻥ ﻗﺎﺑﻞِ ﻓﺨﺮ ﺩﺭﯾﺎﻓﺘﻮﮞ ﭘﺮ ﺳﺎﮌﮬﮯ ﭼﻮﺩە ﺳﻮ ﺳﺎﻝ ﭘﮩﻠﮯ ﭘﺮﺩە ﺍﭨﮭﺎﻧﮯ ﻭﺍﻻ ﮐﺲ ﯾﻮﻧﯿﻮﺭﺳﭩﯽ ﺳﮯ ﭘﮍﮬﺎ ﺗﮭﺎ؟ ﮐﺲ ﻟﯿﺒﺎﺭﭨﯽ ﻣﯿﮟ ﮐﺎﻡ ﮐﺮﺗﺎ ﺗﮭﺎ؟ ﮐﯿﺎ ﺍﺱ ﮐﮯ ﭘﯿﭽﮭﮯ ﮐﻮﺋﯽ ﺧﺪﺍﺋﯽ ﻋﻘﻞ ﺗﮭﯽ ﯾﺎ ﯾﮧ ﺑﮭﯽ ﺻﺮﻑ ﺣﺎﺩﺛﮧ ؟
 ﻧﻮﻣﻮﻟﻮﺩ ﺑﭽﮯ ﮐﻮ ﮐﻮﻥ ﺳﻤﺠﮭﺎﺗﺎ ﮨﮯ ﮐﮧ ﺑﮭﻮﮎ ﮐﮯ ﻭﻗﺖ ﺭﻭ ﮐﺮ ﻣﺎﮞ ﮐﯽ ﺗﻮﺟﮧ ﺍﭘﻨﯽ ﻃﺮﻑ ﻣﺒﺬﻭﻝ ﮐﺮﺍﮰ؟ ﻣﺎﮞ ﮐﻮ ﮐﻮﻥ ﺣﻮﺻﻠﮧ ﺩﯾﺘﺎ ﮨﮯ ﮐﮧ ﮨﺮ ﺧﻄﺮﮮ ﮐﮯ ﺳﺎﻣﻨﮯ ﺳﯿﻨﮧ ﺳﭙﺮ ﮨﻮ ﮐﺮ ﺑﭽﮯ ﮐﻮ ﺑﭽﺎﮰ۔ ﺍﯾﮏ ﻣﻌﻤﻮﻟﯽ ﺳﯽ ﭼﮍﯾﺎ ﺷﺎﮨﯿﮟ ﺳﮯ ﻣﻘﺎﺑﻠﮧ ﭘﺮ ﺍﺗﺮ ﺁﺗﯽ ﮨﮯ،ﯾﮧ ﺣﻮﺻﻠﮧ ﺍﺳﮯ ﮐﺲ ﻧﮯ ﺩﯾﺎ ؟ ﻣﺮﻏﯽ ﮐﮯ ﺑﭽﮯ ﺍﻧﮉﮮ ﺳﮯ ﻧﮑﻠﺘﮯ ﮨﯽ ﭼﻠﻨﮯ ﻟﮕﺘﮯ ﮨﯿﮟ، ﺣﯿﻮﺍﻧﺎﺕ ﮐﮯ ﺑﭽﮯ ﺑﻐﯿﺮ ﺳﮑﮭﺎﮰﻣﺎﻭٴﮞ ﮐﯽ ﻃﺮﻑ ﺩﻭﺩﮪ ﮐﮯ ﻟﮱ ﻟﭙﮑﺘﮯ ﮨﯿﮟ، ﺍﻧﮩﯿﮟ ﯾﮧ ﺳﺐ ﮐﭽﮫ ﮐﻮﻥ ﺳﮑﮭﺎﺗﺎ ﮨﮯ؟ ﺟﺎﻧﻮﺭﻭﮞ ﮐﮯ ﺩﻟﻮﮞ ﻣﯿﮟ ﮐﻮﻥ ﻣﺤﺒﺖ ﮈﺍﻝ ﺩﯾﺘﺎ ﮨﮯ ﮐﮧ ﺍﭘﻨﯽ ﭼﻮﻧﭽﻮﮞ ﻣﯿﮟ ﺧﻮﺭﺍﮎ ﻻ ﮐﺮ ﺍﭘﻨﮯ ﺑﭽﻮﮞ ﮐﮯ ﻣﻮﻧﮩﻮﮞ ﻣﯿﮟ ﮈﺍﻟﯿﮟ ؟ ﯾﮧ ﺁﺩﺍﺏِ ﺯﻧﺪﮔﯽ ﺍﻧﮩﻮﮞ ﻧﮯ ﮐﮩﺎﮞ ﺳﮯ ﺳﯿﮑﮭﮯ؟
ﭘﮭﺮ ﺑﮭﯽ ﺧﺪﺍﻧﮩﯿﮟ ! ؂
ﺑﺲ ﺍﺭﺗﻘﺎٴ ‏( Evolution ‏) ﮨﮯ؟
 ﺷﮩﺪ ﮐﯽ ﻣﮑﮭﯿﺎﮞ ﺩﻭﺭ ﺩﺭﺍﺯ ﺑﺎﻏﻮﮞ ﻣﯿﮟ ﺍﯾﮏ ﺍﯾﮏ ﭘﮭﻮﻝ ﺳﮯ ﺭﺱ ﭼﻮﺱ ﭼﻮﺱ ﮐﺮ ﺍﻧﺘﮩﺎﺋﯽ ﺍﯾﻤﺎﻧﺪﺍﺭﯼ ﺳﮯ ﻻ ﮐﺮ ﭼﮭﺘﮯ ﻣﯿﮟ ﺟﻤﻊ ﮐﺮﺗﯽ ﺟﺎﺗﯽ ﮨﯿﮟ ۔ ﺍﻥ ﻣﯿﮟ ﺳﮯ ﺍﯾﮏ ﻣﺎﮨﺮ ﺳﺎﺋﻨﺴﺪﺍﻥ ﮐﯽ ﻃﺮﺡ ﺟﺎﻧﺘﯽ ﮨﮯ ﮐﮧ ﮐﭽﮫ ﭘﮭﻮﻝ ﺯﮨﺮﯾﻠﮯ ﮨﯿﮟ، ﺍﻥ ﮐﮯ ﭘﺎﺱ ﻧﮩﯿﮟ ﺟﺎﺗﯽ،ﺍﯾﮏ ﻗﺎﺑﻞ ﺍﻧﺠﯿﻨﺌﺮ ﮐﯽ ﻃﺮﺡ ﺷﮩﺪ ﺍﻭﺭ ﻣﻮﻡ ﮐﻮ ﻋﻠﯿﺤﺪە ﻋﻠﯿﺤﺪە ﮐﺮﻧﮯ ﮐﺎ ﻓﻦ ﺑﮭﯽ ﺟﺎﻧﺘﯽ ﮨﮯ۔ﺟﺐ ﮔﺮﻣﯽ ﮨﻮﺗﯽ ﮨﮯ ﺗﻮ ﺷﮩﺪ ﮐﻮ ﭘﮭﮕﻞ ﮐﺮ ﺑﮩﮧ ﺟﺎﻧﮯ ﺳﮯ ﺑﭽﺎﻧﮯ ﮐﯿﻠﮱ ﺍﭘﻨﯽ ﭘﺮﻭﮞ ﮐﯽ ﺣﺮﮐﺖ ﺳﮯ ﭘﻨﮑﮭﺎ ﭼﻼ ﮐﺮ ﭨﮭﻨﮉﺍ ﺑﮭﯽ ﮐﺮﺗﯽ ﮨﮯ،ﻣﻮﻡ ﺳﮯ ﺍﯾﺴﺎ ﮔﮭﺮ ﺑﻨﺎﺗﯽ ﮨﮯ ﺟﺴﮯ ﺩﯾﮑﮫ ﮐﺮ ﺑﮍﮮ ﺳﮯ ﺑﮍﺍ ﺁﺭﮐﯿﭩﯿﮑﭧ ﺑﮭﯽ ﺣﯿﺮﺕ ﺯﺩە ﮨﯿﮟ۔ﻻﮐﮭﻮﮞ ﮐﯽ ﺗﻌﺪﺍﺩ ﻣﯿﮟ ﺍﯾﺴﮯ ﻣﻨﻈﻢ ﻃﺮﯾﻘﮯ ﺳﮯ ﮐﺎﻡ ﮐﺮﺗﯽ ﮨﯿﮟ ﮐﮧ ﻣﺜﺎﻝ ﻧﮩﯿﮟ، ﮨﺮ ﺍﯾﮏ ﻣﯿﮟ ﺍﯾﺴﺎ ﺭﺍﮈﺍﺭ ﻧﻈﺎﻡ ﻧﺴﺐ ﮨﮯ ﮐﮧ ﻭە ﺩﻭﺭ ﺩﻭﺭ ﻧﮑﻞ ﺟﺎﺗﯽ ﮨﯿﮟ ﻟﯿﮑﻦ ﺍﭘﻨﮯ ﮔﮭﺮ ﮎ ﺭﺍﺳﺘﮧ ﻧﮩﯿﮟ ﺑﮭﻮﻟﺘﯿﮟ۔ ﺍﻧﯿﮟ ﺯﻧﺪﮔﯽ ﮐﮯ ﯾﮧ ﻃﺮﯾﻘﮯ ﮐﺲ ﻧﮯ ﺳﮑﮭﺎﮰ ؟ﺍﻧﮩﯿﮟ ﯾﮧ ﻋﻘﻞ ﮐﺲ ﻧﮯ ﺩﯼ؟ ﭘﮭﺮ ﺑﮭﯽ ﮐﮩﺘﮯ ﮨﻮ۔
ﮐﭽﮫ ﻧﮩﯿﮟ ،ﺑﺲ ﺍﯾﮏ ﺣﺎﺩﺛﮧ ؟ ﺻﺮﻑ ﻋﻤﻞ ﺍﺭﺗﻘﺎٴ ! ؂
 ﻣﮑﮍﺍ ﺍﭘﻨﮯ ﻣﻨﮧ ﮐﮯ ﻟﻌﺎﺏ ﺳﮯ ﺷﮑﺎﺭ ﭘﮑﮍﻧﮯ ﮐﮯ ﺍﯾﺴﺎ ﺟﺎﻝ ﺑﻨﺎﺗﺎ ﮨﮯ ﮐﮧ ﺟﺪﯾﺪ ﭨﯿﮑﺴﭩﺎﺋﻞ ﺍﻧﺠﯿﻨﺌﺮ ﺑﮭﯽ ﺍﺱ ﺑﻨﺎﻭﭦ ﮐﺎ ﺍﯾﺴﺎ ﻧﻔﯿﺲ ﺩﮬﺎﮔﺎ ﺑﻨﺎﻧﮯ ﺳﮯ ﻗﺎﺻﺮ ﮨﯿﮟ۔
ﮔﮭﺮﯾﻠﻮ ﭼﯿﻮﻧﭩﯽ ‏( Antt ‏) ﮔﺮﻣﯿﻮﮞ ﻣﯿﮟ ﺟﺎﮌﮮ ﮐﮯ ﻟﺌﮯ ﺧﻮﺭﺍﮎ ﺟﻤﻊ ﮐﺮﺗﯽ ﮨﮯ،ﺍﭘﻨﮯ ﺑﭽﻮﮞ ﮐﮯ ﻟﺌﮯ ﮔﮭﺮ ﺑﻨﺎﺗﯽ ﮨﮯ، ﺍﯾﮏ ﺍﯾﺴﯽ ﺗﻨﻈﯽ ﺳﮯ ﺭﮨﺘﯽ ﮨﮯ ﺟﮩﺎﮞ ﻧﻈﺎﻣﺖ ﮐﮯ ﺗﻤﺎﻡ ﺍﺻﻮﻝ ﺣﯿﺮﺍﻥ ﮐﻦ ﺣﺪ ﺗﮏ ﮐﺎﺭﻓﺮﻣﺎ ﮨﯿﮟ۔
 ﭨﮭﻨﮉﮮ ﭘﺎﻧﯿﻮﮞ ﻣﯿﮟ ﺭﮨﻨﮯ ﻭﺍﻟﯽ ﻣﭽﮭﻠﯿﺎﮞ ﺍﭘﻨﮯ ﺍﻧﮉﮮ ﺍﭘﻨﮯ ﻭﻃﻦ ﺳﮯ ﮨﺰﺍﺭﻭﮞ ﻣﯿﻞ ﺩﻭﺭ ﮔﺮﻡ ﭘﺎﻧﯿﻮﮞ ﻣﯿﮟ ﺩﯾﺘﯽ ﮨﯿﮟ ﻟﯿﮑﻦ ﺍﻥ ﺳﮯ ﻧﮑﻠﻨﮯ ﻭﺍﻟﮯ ﺑﭽﮯ ﺟﻮﺍﻥ ﮨﻮ ﮐﺮ ﻣﺎﮞ ﮐﮯ ﻭﻃﻦ ﺧﻮﺩﺑﺨﻮﺩ ﭘﮩﻨﭻ ﺟﺎﺗﮯ ﮨﯿﮟ ، ﻧﺒﺎﺗﺎﺕ ﮐﯽ ﺯﻧﺪﮔﯽ ﮐﺎ ﺳﺎﺋﯿﮑﻞ ﺑﮭﯽ ﮐﻢ ﺣﯿﺮﺍﻥ ﮐﻦ ﻧﮩﯿﮟ، ﺟﺮﺍﺛﯿﻢ ﺍﻭﺭ ﺑﯿﮑﭩﯿﺮﯾﺎ ﮐﯿﺴﮯ ﮐﺮﻭﮌﻭﮞ ﺳﺎﻟﻮﮞ ﺳﮯ ﺍﭘﻨﯽ ﺑﻘﺎ ﮐﻮ ﻗﺎﺋﻢ ﺭﮐﮭﮯ ﮨﻮﮰ ﮨﯿﮟ؟
 ﺯﻧﺪﮔﯽ ﮐﮯ ﮔﺮ ﺍﻧﮩﯿﮟ ﮐﺲ ﻧﮯ ﺳﮑﮭﺎﮰ؟ ﻣﻌﺎﺷﺮﺗﯽ ﻧﻈﺎﻣﺖ ﮐﮯ ﯾﮧ ﺣﺼﻮﻝ ﺍﻧﮩﯿﮟ ﮐﺲ ﻧﮯ ﭘﮍﮬﺎﮰ؟
ﭘﮭﺮ ﺑﮭﯽ ﮐﻮﺋﯽ ﺧﺪﺍ ﻧﮩﯿﮟ؟
 ﮐﯿﺎ ﺯﻣﯿﻦ ﺍﺱ ﻗﺪﺭ ﻋﻘﻞ ﻣﻨﺪ ﮨﮯ ﮐﮧ ﺍﺱ ﻧﮯ ﺑﮭﯽ ﺧﻮﺩﺑﺨﻮﺩ ﻟﯿﻞ ﻭ ﻧﮩﺎﺭ ﮐﺎ ﻧﻈﺎﻡ ﻗﺎﺋﻢ ﮐﺮ ﻟﯿﺎ، ﺧﻮﺩ ﺑﺨﻮﺩ ﮨﯽ ﺍﭘﻨﮯ ﻣﺤﻮﺭ ﭘﺮ -67 1/2 ﮈﮔﺮﯼ ﺟﮭﮏ ﮔﺌﯽ ﺗﺎ ﮐﮧ ﺳﺎﺭﺍ ﺳﺎﻝ ﻣﻮﺳﻢ ﺑﺪﻟﺘﮯ ﺭﮨﯿﮟ ﮐﺒﮭﯽ ﺑﮩﺎﺭ ، ﮐﺒﮭﯽ ﮔﺮﻣﯽ، ﮐﺒﮭﯽ ﺳﺮﺩﯼ ﺍﻭﺭ ﮐﺒﮭﯽ ﺧﺰﺍﮞ ﺗﺎ ﮐﮧ ﺍﺱ ﭘﺮ ﺑﺴﻨﮯ ﻭﺍﻟﻮﮞ ﮐﻮ ﮨﺮ ﻃﺮﺡ ﮎ ﺳﺒﺰﯾﺎﮞ ، ﭘﮭﻞ ﺍﻭﺭ ﺧﻮﺭﺍﮎ ﺳﺎﺭﺍ ﺳﺎﻝ ﻣﻠﺘﯽ ﺭﮨﯿﮟ؟
 ﺯﻣﯿﻦ ﻧﮯ ﺍﭘﻨﮯ ﺍﻧﺪﺭ ﺷﻤﺎﻟًﺎ ﺟﻨﻮﺑًﺎ ﺍﯾﮏ ﻃﺎﻗﺘﻮﺭ ﻣﻘﻨﺎﻃﯿﺴﯽ ﻧﻈﺎﻡ ﺑﮭﯽ ﺧﻮﺩﺑﺨﻮﺩ ﮨﯽ ﻗﺎﺋﻢ ﮐﺮ ﻟﯿﺎ۔ ﺗﺎ ﮐﮧ ﺍﺱ ﮐﮯ ﺍﺛﺮ ﮐﯽ ﻭﺟﮧ ﺳﮯ ﺑﺎﺩﻟﻮﮞ ﻣﯿﮟ ﺑﺠﻠﯿﺎﮞ ﮐﮍﮐﯿﮟ ﺟﻮ ﮨﻮﺍ ﮐﯽ ﻧﺎﺋﭩﺮﻭﺟﻦ ﮐﻮ ﻧﺎﺋﭩﺮﺱ ﺁﮐﺴﺎﺋﮉ ‏( Nitrous Oxide ‏) ﻣﯿﮟ ﺑﺪﻝ ﮐﺮ ﺑﺎﺭﺵ ﮐﮯ ﺫﺭﯾﻌﮯ ﺯﻣﯿﻦ ﭘﺮ ﭘﻮﺩﻭﮞ ﮐﯿﻠﮱ ﻗﺪﺭﺗﯽ ﮐﮭﺎﺩ ﻣﮩﯿﺎ ﮐﺮﯾﮟ، ﺳﻤﻨﺪﺭﻭﮞ ﭘﺮ ﭼﻠﻨﮯ ﻭﺍﻟﮯ ﺑﺤﺮﯼ ﺟﮩﺎﺯ ﺁﺑﺪﻭﺯ ‏( Submarine ‏) ﺍﻭﺭ ﮨﻮﺍﻭٴﮞ ﻣﯿﮟ ﺍﮌﻧﮯ ﻭﺍﻟﮯ ﻃﯿﺎﺭﮮ ﺍﺱ ﻣﻘﻨﺎﻃﯿﺲ ﮐﯽ ﻣﺪﺩ ﺳﮯ ﺍﭘﻨﺎ ﺭﺍﺳﺘﮧ ﭘﺎﺋﯿﮟ، ﺁﺳﻤﺎﻧﻮﮞ ﺳﮯ ﺁﻧﮯ ﻭﺍﻟﯽ ﻣﮩﻠﮏ ﺷﻌﺎﺋﯿﮟ ﺍﺱ ﻣﻘﻨﺎﻃﯿﺴﯿﭽﮭﺖ ﺳﮯ ﭨﮑﺮﺍ ﮐﺮ ﻭﺍﭘﺲ ﭘﻠﭧ ﺟﺎﺋﯿﮟ ﺗﺎﮐﮧ ﺯﻣﯿﻨﯽ ﻣﺨﻠﻮﻕ ﺍﻥ ﮐﮯ ﻣﮩﻠﮏ ﺍﺛﺮﺍﺕ ﺳﮯ ﻣﺤﻔﻮﻅ ﺭﮨﮯ ﺍﻭﺭ ﺯﻧﺪﮔﯽ ﺟﺎﺭﯼ ﺭﮨﮯ۔

 ﮐﯿﺎ ﺍﺱ ﺳﺐ ﮐﮯ ﭘﯿﭽﮭﮯ ﮐﻮﺋﯽ ﮨﺎﺗﮫ ﻧﮩﯿﮟ، ﮐﻮﺋﯽ ﻋﻘﻞ ﻧﮩﯿﮟ، ﮐﻮﺋﯽ ﮈﯾﺰﺍﺋﻦ ﻧﮩﯿﮟ؟ ﯾﺎ ﯾﮧ ﺑﮭﯽ ﺯﻣﯿﻦ ﮐﯽ ﺍﭘﻨﯽ ﺳﻮﭺ ﺗﮭﯽ؟
ﻣﺰﯾﺪ ﺩﯾﮑﮭﯿﮯ ! ؂ ﺯﻣﯿﻦ ،ﺳﻮﺭﺝ،ﮨﻮﺍﻭٴﮞ،ﭘﮧﺍﮌﻭﮞ ﺍﻭﺭ ﻣﯿﺪﺍﻧﻮﮞ ﻧﮯ ﻣﻞ ﮐﺮ ﺳﻤﻨﺪﺭ ﮐﮯ ﺳﺎﺗﮫ ﺳﻤﺠﮭﻮﺗﺎ ﮐﺮ ﻟﯿﺎ ﮐﮧ ﺳﻮﺭﺝ ﮐﯽ ﮔﺮﻣﯽ ﺳﮯ ﺁﺑﯽ ﺑﺨﺎﺭﺍﺕ ﺍﭨﮭﯿﮟ ﮔﮯ،ﮨﻮﺍﺋﯿﮟ ﺍﺭﺑﻮﮞ ﭨﻦ ﭘﺎﻧﯽ ﮐﻮ ﺍﭘﻨﮯ ﺩﻭﺵ ﭘﺮ ﺍﭨﮭﺎ ﮐﺮ ﭘﮩﺎﮌﻭﮞ ﺍﻭﺭ ﻣﯿﺪﺍﻧﻮﮞ ﺗﮏ ﻻﺋﯿﮟ ﮔﯽ،ﺳﺘﺎﺭﻭﮞ ﺳﮯ ﺁﻧﮯ ﻭﺍﻟﮯ ﺭﯾﮉﯾﺎﺋﯽ ﺫﺭﮮ ﺑﺎﺩﻟﻮﮞ ﻣﯿﮟ ﻣﻮﺟﻮﺩ ﭘﺎﻧﯽ ﮐﻮ ﺍﮐﭩﮭﺎ ﮐﺮ ﮐﮯ ﻗﻄﺮﻭﮞ ﮐﯽ ﺷﮑﻞ ﺩﯾﮟ ﮔﮯ ﺍﻭﺭ ﭘﮭﺮ ﯾﮧ ﭘﺎﻧﯽ ﻣﯿﭩﮭﺎ ﺑﻦ ﮐﺮ ﺧﺸﮏ ﻣﯿﺪﺍﻧﻮﮞ ﮐﻮ ﺳﯿﺮﺍﺏ ﮐﺮﻧﮯ ﮐﮯ ﻟﮱ ﺑﺮﺳﮯ ﮔﺎ،ﺟﺐ ﺳﺮﺩﯾﻮﮞ ﻣﯿﮟ ﭘﺎﻧﯽ ﮐﯽ ﮐﻢ ﺿﺮﻭﺭﺕ ﮨﻮﮔﯽ ﺗﻮ ﯾﮧ ﭘﮩﺎﮌﻭﮞ ﭘﺮ ﺑﺮﻑ ﮐﮯ ﺫﺧﯿﺮﮮ ﮐﯽ ﺻﻮﺭﺕ ﻣﯿﮟ ﺟﻤﻊ ﮨﻮﺗﺎ ﺟﺎﮰ ﮔﺎ، ﮔﺮﻣﯿﻮﮞ ﻣﯿﮟ ﺟﺐ ﺯﯾﺎە ﭘﺎﻧﯽ ﮐﯽ ﺿﺮﻭﺭﺕ ﮨﻮﮔﯽ ﺗﻮ ﯾﮧ ﭘﮕﮭﻞ ﮐﺮ ﻧﺪﯼ ﻧﺎﻟﻮﮞ ﺍﻭﺭ ﺩﺭﯾﺎﻭٴﮞ ﮐﯽ ﺻﻮﺭﺕ ﻣﯿﮟ ﻣﯿﺪﺍﻧﻮﮞ ﮐﻮ ﺳﯿﺮﺍﺏ ﮐﺮﺗﮯ ﮨﻮﮰ ﻭﺍﭘﺲ ﺳﻤﻨﺪﺭ ﺗﮏ ﭘﮩﻨﭻ ﺟﺎﮰ ﮔﺎ۔ ﺍﯾﮏ ﺍﯾﺴﺎ ﺷﺎﻧﺪﺍﺭ ﻣﺘﻮﺍﺯﻥ ﻧﻈﺎﻡ ﺟﻮ ﺳﺐ ﮐﻮ ﺳﯿﺮﺍﺏ ﮐﺮﺗﺎ ﮨﮯ ﺍﻭﺭ ﮐﭽﮫ ﺑﮭﯽ ﺿﺎﺋﻊ ﻧﮩﯿﮟ ﮨﻮﺗﺎ۔
 ﮐﯿﺎ ﯾﮧ ﺑﮭﯽ ﺳﺘﺎﺭﻭﮞ ۔ ﮨﻮﺍ ﺍﻭﺭ ﺯﻣﯿﻦ ﮐﯽ ﺍﭘﻨﯽ ﺑﺎﮨﻤﯽ ﺳﻮﭺ ﺗﮭﯽ؟
ﮐﯿﺎ ﮨﻤﺎﺭﯼ ﺍﭘﻨﯽ ﺯﻧﺪﮔﯽ ﺑﮭﯽ ﺍﯾﮏ ﺣﺎﺩﺛﮧ ﮨﮯ؟ ﮨﻤﺎﺭﮮ  Pancreas ‏( ﻟﺒﻠﺒﮯ ‏) ﺧﻮﻥ ﻣﯿﮟ ﺷﻮﮔﺮ ﮐﯽ ﺍﯾﮏ ﺧﺎﺹ ﻣﻘﺪﺍﺭ ﮐﻮ ﺑﮍﮬﻨﮯ ﻧﮩﯿﮟ ﺩﯾﺘﮯ ، ﺩﻝ ﮐﺎ ﭘﻤﭗ ﮨﺮ ﻣﻨﭧ ﺳﺘﺮ ﺍﺳﯽ ﺩﻓﻌﮧ ﺑﻐﯿﺮ ﺁﺭﺍﻡ ﺑﻼ ﺗﮭﮑﺎﻥ ﺧﻮﻥ ﭘﻤﭗ ﮐﺮﺗﺎ ﺭﮨﺘﺎ ﮨﮯ ﺍﯾﮏ ٧۵ ﺳﺎﻟﮧ ﺯﻧﺪﮔﯽ ﻣﯿﮟ ﺑﻼ ﻣﺮﻣﺖ ‏( Maintenance ‏) ﺗﻘﺮﯾﺒًﺎ ﺗﯿﻦ ﺍﺭﺏ ﺑﺎﺭ ﺩﮬﮍﮐﺘﺎ ﮨﮯ۔ ﮨﻤﺎﺭﮮ ﮔﺮﺩﮮ ‏( Kidneys ‏) ﺻﻔﺎﺋﯽ ﮐﯽ ﺑﮯﻣﺜﻞ ﺍﻭﺭ ﻋﺠﯿﺐ ﻓﯿﮑﭩﺮﯼ ﮨﮯ ﺟﻮ ﺟﺎﻧﺘﯽ ﮨﮯ ﮐﮧ ﺧﻮﻥ ﻣﯿﮟ ﺟﺴﻢ ﮐﯿﻠﮱ ﺟﻮ ﻣﻔﯿﺪ ﮨﮯﻭە ﺭﮐﮫ ﻟﯿﻨﺎ ﮨﮯ ﻓﻀﻼﺕ ﮐﻮ ﺑﺎﮨﺮ ﭘﮭﯿﻨﮏ ﺩﯾﻨﺎ ﮨﮯ۔ ﻣﻌﺪە ﺣﯿﺮﺍﻥ ﮐﻦ ﮐﯿﻤﯿﮑﻞ ﮐﻤﭙﻠﯿﮑﺲ ‏( Chemical Complex ‏) ﮨﮯ ﺟﻮ ﺧﻮﺭﺍﮎ ﺳﮯ ﺯﻧﺪﮔﯽ ﺑﺨﺶ ﺍﺟﺰﺍ ﻣﺜﻠًﺎ ﭘﺮﻭﭨﯿﻦ ،ﮐﺎﺭﺑﻮﮨﺎﺋﯿﮉﺭﯾﭧ ﻭﻏﯿﺮە ﮐﻮ ﻋﻠﯿﺤﺪە ﮐﺮﮐﮯ ﺧﻮﻥ ﮐﮯ ﺣﻮﺍﻟﮧ ﮐﺮ ﺩﯾﺘﺎ ﮨﮯ ﺍﻭﺭ ﻓﻀﻼﺕ ﮐﻮ ﺑﺎﮨﺮ ﻧﮑﺎﻝ ﺩﯾﺘﺎ ﮨﮯ۔
 ﺍﻧﺴﺎﻧﯽ ﺟﺴﻢ ﻣﯿﮟ ﺍﻧﺠﯿﻨﺌﺮﻧﮓ ﮐﮯ ﯾﮧ ﺷﺎﮨﮑﺎﺭ، ﺳﺎﺋﻨﺲ ﮐﮯ ﯾﮧ ﺑﮯ ﻣﺜﻞ ﻧﻤﻮﻧﮯ، ﭼﮭﻮﭨﮯ ﺳﮯ ﭘﯿﭧ ﻣﯿﮟ ﯾﮧ ﻻﺟﻮﺍﺏ ﻓﯿﮑﭩﺮﯾﺎﮞ ، ﮐﯿﺎ ﯾﮧ ﺳﺐ ﮐﭽﮫ ﯾﻮﮞ ﮨﯽ ﺑﻦ ﮔﮱ ﺗﮭﮯ؟
ﻧﮧ ﮐﻮﺋﯽ ﮈﯾﺰﺍﺋﻨﺮ ‏( Designer ‏) ، ﻧﮧ ﮐﻮﺋﯽ ﺑﻨﺎﻧﮯ ﻭﺍﻻ ‏(  Maker ‏) ، ﻧﮧ ﮐﻮﺋﯽ ﭼﻼﻧﮯ ﻭﺍﻻ ‏( Oprator ‏) ، ﺑﺲ ﺍﯾﮏ ﻋﻤﻞ ﺍﺭﺗﻘﺎٴ؟
 ﺩﻣﺎﻍ ﮐﻮ ﮐﺲ ﻧﮯ ﺑﻨﺎﯾﺎ؟ ﻣﻀﺒﻮﻁ ﮨﮉﯾﻮﮞ ﮐﮯ ﺧﻮﻝ ﻣﯿﮟ ﺑﻨﺪ ، ﭘﺎﻧﯽ ﻣﯿﮟ ﯾﮧ ﺗﯿﺮﺗﺎ ﮨﻮﺍ ﻋﻘﻞ ﮐﺎ ﺧﺰﺍﻧﮧ، ﻣﻌﻠﻮﻣﺎﺕ ﮐﺎ ﺳﭩﻮﺭ،ﺍﺣﮑﺎﻣﺎﺕ ﮐﺎ ﻣﺮﮐﺰ، ﺍﻧﺴﺎﻥ ﺍﻭﺭ ﺍﺱ ﮐﮯ ﻣﺎﺣﻮﻝ ﮐﮯ ﺩﺭﻣﯿﺎﻥ ﺭﺍﺑﻄﮧ ﮐﺎ ﺫﺭﯾﻌﮧ ، ﺍﯾﮏ ﺍﯾﺴﺎ ﮐﻤﭙﯿﻮﭨﺮ ﮐﮧ ﺍﻧﺴﺎﻥ ﺍﺱ ﮐﯽ ﺑﻨﺎﻭﭦ ﺍﻭﺭ ﮈﯾﺰﺍﺋﻦ ﮐﻮ ﺍﺑﮭﯽ ﺗﮏ ﺳﻤﺠﮫ ﻧﮩﯿﮟ ﭘﺎﯾﺎ، ﻻﮐﮫ ﮐﻮﺷﺸﻮﮞ ﮐﮯ ﺑﺎﻭﺟﻮﺩ ﺍﻧﺴﺎﻧﯽ ﮨﺎﺗﮫ ﺍﻭﺭ ﺫﮨﻦ ﮐﺎ ﺑﻨﺎﯾﺎ ﮨﻮﺍ ﮐﻮﺋﯽ ﺳﭙﺮ ﮐﻤﭙﯿﻮﭨﺮ ﺑﮭﯽ ﺍﺱ ﻋﺸﺮ ﻋﺸﯿﺮ ﺗﮏ ﻧﮩﯿﮟ ﭘﮩﻨﭻ ﺳﮑﺘﺎ۔
ﮨﺮ ﺍﻧﺴﺎﻥ ﮐﮭﺮﺑﻮﮞ ﺧﻠﯿﺎﺕ ‏( Celll ‏) ﮐﺎ ﻣﺠﻤﻮﻋﮧ ﮨﮯ ﺍﺗﻨﮯ ﭼﮭﻮﭨﮯ ﮐﮧ ﺧﻮﺭﺩﺑﯿﻦ ﮐﯽ ﻣﺪﺩ ﮐﮯ ﺑﻐﯿﺮ ﻧﻈﺮ ﻧﮩﯿﮟ ﺁﺗﮯ،ﻟﯿﮑﻦ ﺳﺐ ﮐﮯ ﺳﺐ ﺟﺎﻧﺘﮯ ﮨﯿﮟ ﺍﻧﮩﯿﮟ ﮐﯿﺎ ﮐﺮﻧﺎ ﮨﮯ۔ ﯾﻮﮞ ﺍﻧﺴﺎﻥ ﮐﺎ ﮨﺮ ﺍﯾﮏ ﺧﻠﯿﮧ ﺷﻌﻮﺭ ﺭﮐﮭﺘﺎ ﮨﮯ ﺍﻭﺭ ﺍﭘﻨﮯ ﻭﺟﻮﺩ ﻣﯿﮟ ﻣﮑﻤﻞ ﺷﺨﺼﯿﺖ ﮨﮯ ۔ ﺍﻥ ﺟﯿﻨﺰ ﻣﯿﮟ ﮨﻤﺎﺭﯼ ﭘﻮﺭﯼ ﻗﺴﻤﺖ ﺗﺤﺮﯾﺮ ﮨﮯ ﺍﻭﺭ ﺯﻧﺪﮔﯽ ﺍﺱ ﺑﻨﺪ ﭘﺮﻭﮔﺮﺍﻡ ﮐﮯ ﻣﻄﺎﺑﻖ ﺧﻮﺩﺑﺨﻮﺩ ﮐﮭﻠﺘﯽ ﺭﮨﺘﯽ ﮨﮯ۔ ﮨﻤﺎﺭﯼ ﺯﻧﺪﮔﯽ ﮐﺎ ﭘﻮﺭﺍ ﺭﯾﮑﺎﺭﮈ، ﮨﻤﺎﺭﯼ ﺷﺨﺼﯿﺖ ﮨﻤﺎﺭﯼ ﻋﻘﻞ ﻭ ﺩﺍﻧﺶ ، ﻏﺮﺽ ﮨﻤﺎﺭﺍ ﺳﺐ ﮐﭽﮫ ﭘﮩﻠﮯ ﮨﯽ ﺳﮯ ﺍﻥ ﺧﻠﯿﺎﺕ ﭘﺮ ﻟﮑﮭﺎ ﺟﺎ ﭼﮑﺎ ﮨﮯ۔
ﯾﮧ ﮐﺲ ﮐﯽ ﻟﮑﮭﺎﺋﯽ ﮨﮯ؟
 ﺣﯿﻮﻧﺎﺕ ﮨﻮﮞ ﯾﺎ ﻧﺒﺎﺗﺎﺕ ، ﺍﻥ ﮐﮯ ﺑﯿﺞ ﮐﮯ ﺍﻧﺪﺭ ﺍﻥ ﮐﺎ ﭘﻮﺭﺍ ﻧﻘﺸﮧ ﺑﻨﺪ ﮨﮯ، ﯾﮧ ﮐﺲ ﮐﯽ ﻧﻘﺸﮧ ﺑﻨﺪﯼ ﮨﮯ؟
ﺧﻮﺭﺩﺑﯿﻦ ﺳﮯ ﺑﮭﯽ ﻣﺸﮑﻞ ﺳﮯ ﻧﻈﺮ ﺁﻧﮯ ﻭﺍﻻ ﺳﯿﻞ ‏( Celll ‏) ﺍﯾﮏ ﻣﻀﺒﻮﻁ ﺗﻮﺍﻧﺎ ﻋﻘﻞ ﻭ ﮨﻮﺵ ﻭﺍﻻ ﺍﻧﺴﺎﻥ ﺑﻦ ﺟﺎﺗﺎ ﮨﮯ۔ ﯾﮧ ﮐﺲ ﮐﯽ ﺑﻨﺎﻭﭦ ﮨﮯ ؟
 ﮨﻮﻧﭧ، ﺯﺑﺎﻥ، ﺍﻭﺭ ﺗﺎﻟﻮ ﮐﮯ ﺍﺟﺰﺍ ﮐﻮ ﺳﯿﻨﮑﮍﻭﮞ ﺍﻧﺪﺍﺯ ﻣﯿﮟ ﺣﺮﮐﺖ ﺩﯾﻨﺎ ﮐﺲ ﻧﮯ ﺳﮑﮭﺎﯾﺎ؟
 ﺍﻥ ﺣﺮﮐﺎﺕ ﺳﮯ ﻃﺮﺡ ﻃﺮﺡ ﮐﯽ ﻋﻘﻞ ﻣﻨﺪ ﺁﻭﺍﺯﯾﮟ ﮐﻮﻥ ﭘﯿﺪﺍ ﮐﺮﺗﺎ ﮨﮯ؟
ﺍﻥ ﺁﻭﺍﺯﻭﮞ ﮐﻮ ﻣﻌﻨﯽ ﮐﻮﻥ ﺩﯾﺘﺎ ﮨﮯ؟
ﻻﮐﮭﻮﮞ ﺍﻟﻔﺎﻅ ﺍﻭﺭ ﮨﺰﺍﺭﻭﮞ ﺯﺑﺎﻧﻮﮞ ﮐﺎ ﺧﺎﻟﻖ ﮐﻮﻥ ﮨﮯ؟
ﮐﻮﺋﯽ ﺑﮭﯽ ﻧﮩﯿﮟ ﺑﺲ ﺍﯾﮏ ﺣﺎﺩﺛﮧ ﮨﮯ ! ؂ ! ؂ ! ؂ ؟
ﻣﺤﺾ ﻋﻤﻞِ ﺍﺭﺗﻘﺎٴ ﮨﮯ ! ؂ ! ؂
ﻻ ﺍﻟﮧٰ ﺍﻻ ﺍﻟﻠﻪ
ﻣﮕﺮ ﺍﻟﻠﻪ ﺗﻌﺎﻟٰﯽ ﭘﮩﻠﯽ ﺍﻭﺭ ﺁﺧﺮﯼ ﺣﻘﯿﻘﺖ ہے..!!

دکھیارے شوہر ، ظالم بیویاں

" دکھیارے شوہر ، مظلوم بیویاں "
میاں بیوی کا سفر ، بہت طویل اور بہت ہمت کیش ہوتا ہے ۔ دونوں زندگی کے اس سفر کی شروعات بہت سارے خوابوں اور ارمانوں سے کرتے ہیں ۔ دونوں میں سے جس کا بھی دوسرے پر دل آجائے تو پھر  دنیا اسی سے شروع ہوتی ہے اور اسی پر ختم ہو جاتی ہے  ۔اسکے علاوہ تو سب جھمیلہ ہی جھیلہ نظر  آتا ہے ۔  اگر وہ ہم سفر بن جائے تو پھر استراحت کے سارے سامان اسی ہم سفر کے ساتھ منسوب ہو جاتے ہیں ۔ پھر کچھ ہی عرصے کے بعد سارےچونچلے چٹکیاں کاٹنے لگتے ہیں ، نہ عشوے باقی رہتے ہیں اور نہ ادائیں دل کو بھاتی ہیں ۔
بیوی کو دنیا بھر کے عیب شوہر کی ذات میں نظر آنے لگتے ہیں ۔ جب جی چاہے جو جی چاہے ، شوہر کا نام رکھ دے ۔ جب چاہے شوہر کیلئے عدالت لگا لے ۔ شوہر باہر کتنا بھی سورما کیوں نہ ہو ، گھر کی چار دیواری  میں سر جھکائے جھڑکیاں سننے والا ہوجاتا ہے ۔ اگر کوئی مرد شادی کے چند سال بعد بھی بیوی کو " جانو ، ہنی یا ڈارلنگ " کہہ کر بلا رہا ہے تو صرف تین وجہ ہو سکتی ہیں ، ایک یہ کہ دماغی توازن کھو بیٹھا ہے یا کمال کی منافقت رکھتا ہے یا پھر بہت خوفزدہ ہے ۔
اگر شوہر کی اندرونی کیفیت کا بخوبی اندازہ کرنا ہو تو اسکے سامنے بیگمات کے بارے میں کوئی لطیفہ سنا کر دیکھیں ، اگر تو باچھیں کھل جائیں تو سمجھ لیں کہ اسکے دل کی عکاسی ہوئی ہے ۔
کچھ ایسا ہی حال ، بیگمات کا بھی ہے ۔ اگر ایک نے کہا اور اپنے شوہر کے بارے میں چند منفی جملے بول دئیے تو مجموعی ریمارک ہوتا ہے ۔
" بہن یہ مرد ذات ہوتی ہی بے وفا اور منافق ہے " پھر جو خرابیاں ایک موصوفہ کے شوہر میں تھیں ، سب کے شوہروں میں آجائیں گی ۔  نکمے ،چڑچڑے ، چریا ، ٹھرکی اور نہ جانے کیا کیا تمغات دےڈالتی ہیں ۔ جو بہت سگھڑ یا انتہائی مکار ہوتی ہیں ، وہ القاب دینے سے گریز کر لیتی ہیں مگر مسکرا کر اقرار ضرور کرتی ہیں کہ جو بھی کہا گیا ہے
" سچ ہےاور سچ کے سوا کچھ نہیں "
گویا  دونوں طرف ایک جیسی آگ کا دھیما دھیما الاو دونوں طرف ہوتا ہے ۔
آزادھاشمی
٢۵ دسمبر ٢٠١٩ 

سورہ کوثر

سورۃ الکوثر میں عددی معجزہ 
 کیا یہ ایک اتّفا ق ہے  یا لُغوی حساب ہے ؟
- سورۃ الکوثر قرآن کی سب سے چھوٹی سورت ہے اور اس سورۃ کے جملے الفاظ 10ہیں۔
- سورۃ الکوثر کی پہلی آیت میں 10 حروف ہیں۔
- سورۃ الکوثر کی دوسری آیت میں 10 حروف ہیں۔
- سورۃ الکوثر کی تیسری آیت میں 10 حروف ہیں۔
- اس پوری سورت میں جو سب سے زیادہ تکرار سے حرف آیا ہے وہ  حرف  "ا" الف ہے جو 10 دفعہ آیا ہے۔
- وہ حروف جو اس سورت میں صرف ایک ایک دفعہ آئے ہیں انکی تعداد 10 ہیں۔
- اس سورت کی تمام آیات کا اختتام حرف "ر" راء پر ہوا ہے جو کہ حروفِ ہجا میں 10 واں حرف شمار ہوتا ہے۔
- قرآن مجید کی وہ سورتیں جو حرف "ر" راء پر اختتام پذیر ہو رہی ہیں ، انکی تعداد  10 ہے جن میں سورۃ الکوثر سب سے آخری سورت ہے۔
- سورت میں جو 10 کا عدد ہے اسکی حقیقت یہ ہے کہ وہ  ذو الحجہ کے مہینے کا 10واں دن ہے جیسے کہ اللہ تعالی نے فرمایا " فصل لربک وانحر"   "پس نماز پڑہو اور قربانی کرو"۔ وہ دراصل قربانی کا دن ہے۔
- اللہ کی شان کے یہ سب  کچھ قرآن کریم کی سب سے چھوٹی سورت ، جو ایک سطر پر مشتمل ہے ، میں آگیا۔ آپکا  کیا خیال ہے بڑی سورتوں کے متعلق!!!
اللہ تعالی نے واقعی سچ فرمایا" ہم نے اپنے بندے پر جو کچھ نازل کیا ہے اگر تمہیں اس میں شک ہو تو اس جیسی ایک سورت ہی لے آؤ"  اللہ تعالی مجھے اور آپ کو حوضِ کوثر سے ایسا مبارک پانی پلائے جسکے بعد ہمیں کبھی پیاس نہ لگے۔ آمین
اسے پھیلائیے  اور اللہ آپکو اسکا اجر عطا فرمائے۔
🌹🌹🌹🌹🌹🌹🌹🌹🌹🌹

مشاہدہ

" مشاہدہ "
زندگی کے نشیب و فراز سے گذرتے عمر بیت گئی ۔ کٹھن دور بھی دیکھا اور ایک لمبی مدت تک دیکھنا پڑا ۔ وہ لمحے بھی نہیں بھول پایا ، جب رشتے بکھرتے اور اجنبی ہو جاتے ہیں ۔ جب ہر کوشش ناکام ہونے لگتی ہے اور لوگ کردار پر شک کرنے لگتے ہیں ۔ پھر قدرت کی رحمت ہوئی اور وہ سب مل گیا ، جسے زمانہ پوجتا ہے ۔ اجنبی بھی رشتوں کیطرح قریب ہوتے گئے ۔ دونوں صورتوں میں ، دل میں ایک ہیجان برپا رہا ۔ حرص نے اپنا مرید بنائے رکھا ، جس طرف چکا چوند نظر آئی ، ادہر دوڑ لگا دی ۔ پتہ ہی نہیں چلتا تھا کہ تھکن بھی ہوتی ہے ۔ حرص و ہوس کی غلامی کر لی جائے تو بندہ اپنی ذات سے بے خبر ہو جاتا ہے ۔  پھر اسے اللہ بھی پیسے میں دکھائی دیتا ہے اور ایمان بھی ۔ یہ دور بھی بہت دیکھا اور جی بھر کے دیکھا ۔
اب جو مشاہدہ ہورہا ہے ، وہ زندگی بھر کے تجربات سے مختلف بھی ہے ، اطمینان بخش بھی اور راحت آمیز بھی ۔ حرص سے دامن چھوٹ گیا ، قناعت سے تعلق گہرا ہوگیا ۔ اپنی مرضی کو اللہ کی مرضی کے تابع کر دیا تو ایک سکون سا مل گیا ۔ جو مل گیا اسے مقدر مان لیا اور جو نہیں ملا اسکے لئے نہ دکھ ہوا اور نہ شکایت ۔
میری زندگی کا یہ  دور ، سب سے خوبصورت اور دل فریب دور ہے ۔ اولاد اور رشتے جتنے بھی ہوں ، ایک حد تک محدود ہوتے ہیں اور وقت کے ساتھ ساتھ قربتیں ماند پڑتی ہی رہتی ہیں ۔ رفتہ رفتہ اپنے خون کے تعلق بھی اجنبی ہو جاتے ہیں ۔ یہی ابد سے چلی ہوئی روایت ہے ۔ مگر جب کوئی شخص اس تعلق سے ہٹ کر انسانوں کیلئے سوچنے لگتا ہے ، اپنی ذات سے دوسروں کی ضرورتیں عزیز ہونے لگتی ہیں ، بے بسوں کی بے بسی پر کچھ بے چینی محسوس ہوتی ہے اور اس کے لئے کچھ کرنے کا ارادہ کر لیتا ہے تو اسکا خاندان ، اسکے رشتے دار ، اسکے چاہنے والے لا تعداد ہو جاتے ہیں ۔ جب وہ دوسروں کے درد کیلئے تڑپتا ہے تو اسکے درد پر لا تعداد  ہاتھ اٹھ جاتے ہیں ۔ جو اسے موت کے منہ سے چھین لاتے ہیں ۔ میرے ساتھ یہ مشاہدہ کئی بار ہوا اور میرا ایمان بن گیا کہ
خلق خدا کی خدمت سے بہتر ، شاید کوئی عبادت بھی نہیں ، شاید کوئی ریاضت بھی نہیں اور شاید اس سے ملنے والے سکون سے بہتر کہیں اور سکون بھی نہیں ۔
اس نسبت سے ملنے والے رشتے ، خون کے رشتوں سے کہیں زیادہ مخلص ، وفا شعار اور بے لوث ہوتے ہیں ۔
آزاد ھاشمی
١٠ دسمبر ٢٠١٩ 

مرنے کے بعد کی زندگی

" مرنے کے بعد کی زندگی "
موت ایک ایسی اٹل حقیقت ہے ، جس سے جتنا بھی بھاگ لو ، ایک نہ ایک روز دبوچ ہی لیتی ہے ۔ جس روز یہ آن سامنے کھڑی ہوتی ہے تو ۔۔۔
" راز فطرت کے کھول سکتا ہوں
میں پہاڑوں کو تول سکتا ہوں
موت نے جب کہا خاموش !
نہ سکت ہے ، نہ بول سکتا ہوں "
سارے دعوے ، ساری طاقت ، ساری تدبیریں اور سارے راستے بند ہو جاتے ہیں ۔ جو کچھ اس بے ثبات دنیا میں جمع کیا تھا ، نہ کسی پہ حق رہتا ہے اور  نہ کچھ  ساتھ دینے جاتا ہے ۔
اگلا سفر کیسا ہے ، اللہ جانتا ہے اور یا پھر مسافر کو پتہ ہوتا ہے کہ اس کے دامن میں کتنے اعمال ہیں ، کتنی استراحتیں ہیں جو وہ ساتھ لے جا رہا ہے ۔ یا کتنی اذیتیں ہیں جو منوں مٹی تلے اسکی منتظر ہیں ۔ کوئی نہیں جانتا ۔ ہم نے زندگی بھر سارے ساماں اس لئے جمع کر رکھے ہوتے ہیں ، کہ لوگوں میں ناموری ہو ۔ ہمیشہ کیلئے جینے کا سامان اور اسے دانشمندی سمجھتے ہیں ۔  مگر مرنے کے بعد کی زندگی کا کوئی انتظام کرنا یاد ہی نہیں ہوتا ، یہی حماقت  ہے ۔
 کچھ ایسے بختاور بھی ہوتے ہیں ، جو اپنا تسلسل اس دنیا سے اسطرح قائم کر لیتے ہیں ، کہ وہ کبھی نہیں مرتے ۔ انکو کبھی موت نہیں آتی ۔  وہ دنیا سے جا کر بھی اس دنیا میں بستے رہتے ہیں ۔ انکے اعمال کا پہیہ چلتا رہتا ہے اور نیکیوں کا سلسلہ انکے کھاتے میں جمع در جمع ہوتا رہتا ہے ۔ ایسے لوگوں کی اولاد انہیں بھول بھی جائے تو دنیا والے کبھی فراموش نہیں کر پاتے ۔ انکے نام کی تختی ، کسی سنگ بنیاد کے طور پر نہ بھی ہو ، پھر بھی بیشمار دلوں پہ انکا نشان کندہ رہتا ہے ۔
یہ بختاور ، وہی ہوتے ہیں جو اپنی ذات سے زیادہ اللہ کے بندوں سے پیار کرتے ہیں ۔ جو دوسروں کے درد اپنی ذات کا حصہ بنا کر جیتے ہیں ۔ یہ ہے زندگی کی معراج اور یہ ہے موت کی دلکشی ۔
قادر مطلق کے ہاں ایسے نصیب مل جانا ، ایک انعام ہے ، ایک اعزاز ہے ، اللہ کے کرم کا بیمثال خزانہ ہے کہ انسان منوں مٹی تلے بھی استراحت میں رہے ۔ ہر ہر لمحہ نیکیاں اسکے اعمال کا حصہ بنتی رہیں ۔
کیا ایسی زندگی اور ایسی موت قابل رشک اور قابل تقلید نہیں ؟ کیا ہمارا نصیب اس معراج پر ہے کہ اللہ ہمیں بھی اسی انعام سے نواز دے ؟ کیا ہم اس راہ کے راہی بننے کی آرزو کرتے ہیں ؟ کیا ہم اللہ سے اس راستے پر چلنے کیلئے جھولی پھیلاتے ہیں ؟
آئیے سوچتے ہیں۔
آزاد ھاشمی
٢۵ نومبر ٢٠١٩ 

تبلیغ اور اخلاق

" تبلیغ اور اخلاق  "
عرب نہ صرف گمراہ تھے , بلکہ اخلاق کی پستی میں بھی اپنی مثال آپ تھے . نہ سننے کے قائل تھے نہ سمجھنے پر راضی ہوتے تھے . جو روایات چلی آتی تھیں وہی انکا دین تھا , وہی ایمان . کون تھا جو انکے رواج اور طریقوں پہ تنقید کر سکے . شراب پیتے تھے , جوا کھیلتے تھے - اس پر انہیں نہ شرمندگی تھی نہ خوف . ایسے لوگوں کے درمیان , ایک یتیم کا اٹھ کے کہہ دینا کہ انکے طور طریقے , کردار , شرک اور گناہ آلود زندگی  میں ڈوبے رہنا , گمراہی ہے . گویا ایک بارود کے پہاڑ کو چنگاری دکھانے کے مترادف تھا . اعلان نبوت سے فتح مکہ تک , اس بگڑی ہوئی قوم کو راہ راست پر لانے کیلئے , آپ صل اللہ علیہ وسلم کو جس امر کی سب سے زیادہ تقویت ملی , وہ آپ کا بے مثال اخلاق ہے . کفار کے جبر , ظلم اور مخالفت کی شدت کا یہ عالم کہ ہجرت کرنا پڑی . کفار نے پوری زندگی غزوات اور سرایہ میں الجھائے رکھا . ابو سفیان اور ہندہ کی سفاکیت برداشت کی . پتھر کھائے , جسم مبارک پر کوڑا کرکٹ ڈالا گیا . یہ سب کچھ کرنے والے کون تھے . کفار اور مشرک . ان سب حالات سے گذر کر بھی فتح مکہ پر سب کو معافی . ابوسفیان کو بھی اور اسکی شقی القلب بیوی کو بھی . سب کو معاشرتی مقام کے مطابق عزت بھی دی توقیر بھی . یہ تھی وہ تبلیغ جس نے پوری کائنات کی سرداری کا اعزاز دیا . نہ کسی کو گالی دی , نہ ملامت کی , نہ ماضی کی دشمنی کا ذکر فرمایا .
کیا ہمارے علماء نے اس اسوہ کو اپنایا . کیا اس سنت کو زندگی میں داخل کیا . وہ مبلغ جو تبلیغ میں فساد کی راہ کھولے , کیا سنت نبوی کا مقلد ہو سکتا ہے . سب سے بڑی دلیل کردار اور اخلاق ہوتا ہے . یہی اسوہ حسنہ ہے . مگر آج تبلیغ کا جو انداز اختیار کیا گیا ہے , اس کا پہلا موضوع اپنے مسلک کا پرچار , دوسرا موضوع مخالف مسلک کے عیوب اور حسب ضرورت سچے جھوٹے الزامات کی بھڑاس نکالنا . فروعی معاملات پر کفر کے فتوے . انسانوں کو سورو , خنزیرو , کتو جیسے القاب دینا .
عجیب سا لگتا ہے کہ ہمارے دینی قائدین کو اخلاقیات سے واسطہ کیوں نہیں رہا . یہ کونسا سبق ہے جو مدرسوں نے دیا . ان جیسے اخلاق باختہ لوگ کیا ابلاغ کریں گے . اور  دین کی  کیا شکل بنا دیں گے  .
جن کو اسوہ حسنہ کی تصویر بننا تھا  اگر وہ  بازاری لونڈوں والی  زبان بولیں گے تو  مسلمانوں کا کیا تصور ابھرے گا .
ازاد ھاشمی

نبوت کی معراج

" نبوت کی معراج "
جن احباب کو زیارت روضہ رسول صل اللہ علیہ وسلم نصیب ہوئی ہو گی . وہ جانتے ہونگے کہ آج مسجد نبوی کا احاطہ کتنا یے . شاید بہت دوستوں کو علم بھی ہو گا کہ یہی وہ کل زمین تھی , جس پر مدینہ النبی قائم تھا . جنت البقیع مدینہ کی حدود سے باہر تھی . چھوٹی سی جگہ میں مسجد بھی تھی اور رسول اللہ علیہ وسلم کا حجرہ مبارک بھی . کھجور کے پتوں سے ڈھکی ہوئی مختصر سی چاردیواری . یہ وہ جگہ تھی جس میں اسلام کی درس گاہ بھی تھی , عدالت بھی , دفاعی منصوبہ بندی کیلئے قلعہ بھی , ہر ضرورت مند کیلئے خزانہ بھی . گویا اسلام کے نظام کا سارا حدود اربعہ اتنا سا تھا . اس سارے نظام کو چلانے والا دو وقت پیٹ بھرنے کے وسائل سے بھی محروم . عرب کے سرکش سردار , قبائل کے کرتا دھرتا سب مخالف . کون یقین کرتا کہ یہ مختصر سی بستی ایک روز قیصر و کسری کی شکست کا باعث بنے گی . الحاد , شرک , یہودیت , مجوسیت , آتش پرست اور عرب کے ضدی سرداروں سے مخاصمت کیلئے ننھی سی فوج , جس کے پاس نہ تیغ و تفنگ , نہ اونٹ نہ گھوڑے , نہ تربیت کا انتظام . ایسی فوج جس کا سالار تین تین روز نان جویں تک حلق سے اتارنے کے وسائل نہ رکھتا ہو . ایک روز پوری دنیا میں کروڑوں لوگوں کا سالار بن جائے گا . جس کے ایک اشارے پر کروڑوں سر کٹنے کو تیار ہو جائیں گے .
یہ سب شان , سب مقام اور سب اسباب پر اختیار , سوائے اللہ کے پیارے حبیب کے کسی کو حاصل نہیں . نہ کسی رسول کو , نہ کسی نبی کو .
تعجب ہوتا ہے جب کوئی نا ہنجار یہ کہہ دیتا ہے کہ آپ صل اللہ علیہ وسلم ہمارے جیسے بشر ہیں . بشریت کی ایک حد ہے , مگر آپ کی حد عالمین کی وسعت سے بھی آگے . اللہ جن عالمین کا رب ہے , آپ انہی عالمین کے لئے رحمت ہیں  . پھر دنیا میں کیا , پوری کائنات میں آپ کا تقابل کیسے ممکن . آپ وہ ہستی جس کی خاطر تخلیق آدم ہوئی . اللہ کا اعلان " کہ اے حبیب ! میں افلاک میں کچھ بھی تخلیق نہ کرتا , اگر تجھے پیدا نہ کرتا "
اللہ کی محبت کا یہ عالم کہ فرمایا
" اے حبیب ساری ساری رات عبادت کیلئے مت جاگا کر , بس رات کے پچھلے پہر عبادت کر لیا کر . اور رات کو استراحت کیا کر "
آج کوئی ایسا لمحہ نہیں , جب پوری دنیا سے آپ صل اللہ علیہ وسلم پر درود نہ بھیجا جاتا ہو . حکم ربی ہے کہ
" اللہ اور فرشتے آپ پر درود بھیجتے ہیں , تم سب بھی میرے حبیب پر درود بھیجا کرو "
وہ کون قلمکار ہے جو اس ہستی کی شان پر لکھنے کا حق ادا کر سکے . کون دانشور ہے جو آپ کی شان کا ادراک کر سکے .
ازاد ہاشمی

گمراہی کیا ہے ؟ "

" گمراہی کیا ہے ؟ "
سورہ فاتحہ میں ، ہم اللہ سبحانہ تعالی سے چند دعائِیں اور التجائیں کرتے ہیں کہ
" اے مالک یوم الدین ! ہم تیری عبادت کرتے ہیں ، اور تجھ سے ہی مدد چاہتے ہیں "
کیا مدد مانگتے ہیں ؟
" ہمیں سیدھے راستے کی ہدایت فرما ، رہنمائی کر کہ ہمیں سیدھا راستہ مل جائے  "
وضاحت  کرتے ہیں کہ وہ سیدھا راستہ ، جس پر ہم چلنا چاہتے ہیں ۔
" وہ ان لوگوں کا راستہ ، جن پر تیرے انعامات ہوئے ۔ "
پھر  کہتے ہیں کہ
" ان لوگوں کے راستے پر نہیں چلنا چاہتے ، جو تیرے غضب کا شکار ہوئے اور نہ ہی انکے راستے پر جو گمراہ ہوئے "
ہم یہ ساری باتیں ایک تسلسل سے کرتے جاتے ہیں ۔ نہ معلوم ہوتا ہے کہ کیا مانگ رہے ہیں اور نہ جانتے ہیں کہ کیوں مانگ رہے رہیں ۔ گمراہ صرف ان قوموں کو سمجھتے ہیں ، جو اسلام کے حلقہ سے دور ہیں اور ان قوموں کو جو گئے وقتوں میں تھیں ۔
گمراہی ، وسیع المطلب اور نہایت آسان فہم لفظ ہے ۔ جو بھی اپنے راستے سے بھٹک گیا ، یا جو بھی اپنی منزل کو بھول گیا ، گمراہ ہے ۔ ہمارا راستہ اور ہماری منزل کیا ہے ؟ ہمارا راستہ وہی ہے ، جو اللہ نے مقرر فرمایا اور ہادئی کائنات نے اگاہی دی ۔ قرآن میں جس سے منع کیا گیا اور جو کرنے کی تاکید کی گئی ۔ جس سے دوستی سے روکا گیا اور جس سے قربت کا حکم ہوا ۔ یہی وہ راستہ ہے ، جو سیدھا بھی ہے اور فلاح کا راستہ بھی ۔ اگر ہم اپنا اپنا محاسبہ کریں تو ہم انہی کے راستے پر چل رہے ہیں ، جن کے راستے سے بچنے کی دعا مانگتے ہیں ۔ یہی گمراہی ہے ۔ مگر گمراہی سے بچنے کی بار بار دعاوں کے بعد گمراہوں کے راستے پر چلنے کو فخر سمجھتے ہیں اور راہ راست پر چلنے کو قدامت پسندی خیال کر بیٹھے ہیں ۔ اللہ پاک کے دستور کو چھوڑ کر اپنی ناقص عقل سے خود دستور بنا لیا اور اس پر چل کر ثابت کرنا چاہتے ہیں کہ ہم نے صحیح راستہ تلاش کرلیا ۔ گویا ہم نے اپنا راستہ کھو دیا ، راستہ کھو دینا ، بھول جانا اور منزل کے تعین کے بغیر چلتے رہنا ، گمراہی ہے ۔ اپنے اپنے عمل پر غور و فکر کئے بغیر ، اسے زندگی کا حصہ بنا لینا گمراہی ہے ۔
آزاد ھاشمی
٣ نومبر ٢٠١٩ 

خود داری اور ضرورت “

“خود داری اور ضرورت “
سردی کی لہر بتدریج بڑھ رہی تھی ۔ معصوم سا بچہ اپنے پھٹے ہوئے لباس میں ، سردی سے بچنے کیلئے ایک کونے میں دبکا بیٹھا تھا ۔
ایک خوش پوش جوان سامنے گھر سے چند کپڑے لایا اور بچے کو دیتے ہوئے بولا ۔
" بیٹا ! یہ لو گرم کپڑے پہن لو "
بچے نے کپڑوں کیطرف کوئی توجہ نہیں دی ۔
" لے لو بیٹا "
اس نوجوان نے نہایت شفقت سے کہا ، مگر بچہ ٹس سے مس نہیں ہوا ۔
" انکل جی ! میں نے آپ سے کپڑے نہیں مانگے ۔ آپ کیوں دے رہے ہیں ؟ "
بچے کا غیر متوقع سوال تھا ۔ نوجوان چکرا گیا کہ کیا جواب دے ۔
" بیٹا ! سردی تیز ہوتی جارہی ہے ۔ ایسی سردی میں بیمار ہو جاوگے ۔ گرم کپڑے سردی سے بچا لیں گے "
نوجوان نے بچے کو قائل کرنے کی کوشش کی ۔
" انکل ! سردی سے مروں یا بھوک سے ۔ اچھا ہے ، ہم جیسے مر ہی جائیں تو اچھا ۔ جی کر بھی کیا کریں گے ۔ بھیک مانگنے سے بہتر ہے کہ مر جاوں "
بچہ آنکھوں میں تیرتے آنسو روکنے کی پوری کوشش کے باوجود نہیں روک پایا ۔
" پچھلی سردیوں میں میرا باپ فوت ہوگیا تھا ۔ سب کہہ رہے تھے سردی سے مر گیا ہے ۔ چند روز پہلے میری ماں ہسپتال میں دوائی نہ ملنے سے مر گئی ہے  "
"وہ دونوں سڑکوں سے کاغذ چنتے تھے ۔ سارے جھونپڑیوں والے بھیک لیتے ہیں ۔ مگر میرا ابا کہتا تھا ، ہم سید ہیں ۔ نہ بھیک لیں گے اور نہ مانگیں گے ۔ نہ کسی کا بچا ہوا کھائیں گے اور نہ کسی کی اترن پہنیں گے ۔ سب جھونپڑیوں والے اسے " چریا شاہ " کہتے تھے ۔  میں " چریا شاہ " کا بیٹا ہوں ۔ اسی طرح جینا چاہوں گا یا اسی طرح مرنا "
نوجوان کا چہرہ زرد ہو رہا تھا ۔  وہ بچے کے سامنے شکست خوردہ  تھا ۔  نوجوان بولا
" آپ میرے بچوں کیطرح ہو ۔ "
بچہ مسکرایا
" نہیں انکل ! میں آپ کے بچوں کیطرح نہیں ہوں ۔ آپ کے بچے کسی کی اترن پہننے پر مجبور نہیں ہیں ۔ آپ کے بچوں کے سامنے خوبصورت زندگی ہے ۔ پڑھیں گے ۔ افسر بن جائیں گے ۔ میں کاغذ چننے والے " چریا شاہ " کا بیٹا ہوں ۔ کاغذ چنوں گا یا خود کو سکون دینے کیلئے ہیروئن پیوں گا ۔ ایک روز کسی گاڑی کے نیچے آ کر مر جاوں گا ۔ کوئی خدمت خلق والا اٹھا کر لے جائے گا ۔ میرے بدن کے حصے ہسپتال کو بیچ دے گا ۔ میری لاوارث ہڈیوں پر آپ جیسوں کے بچے ڈاکٹری سیکھیں گے "
بچہ اپنی عمر سے کہیں زیادہ با خبر تھا ۔
" یہ سب باتیں کس نے بتائی ہیں؟ "
نوجوان نے پوچھا ۔
" میرے ابا بتایا کرتے تھے "
" اسکا مطلب ہے کہ تیرے ابا پڑھے لکھے تھے ۔ عام شخص ایسی سوچ نہیں رکھ سکتا تھا ۔ آپ کے ابا کا اصلی نام کیا تھا؟ اور حقیقت میں کہاں کے رہنے والے تھے ؟ " نوجوان کھوج لگانا چاہتا تھا کہ اصل کہانی کیا ہے ۔
" یہی نام تھا ۔ غریبوں کے نام اسی طرح ہوتے ہیں انکل "
بچہ کپڑوں کو ایک طرف رکھتے ہوئے اٹھا اور چلنے لگا ۔
 آزاد ھاشمی
٢٢ اکتوبر ٢٠١٩  

احسانمندی

" احسانمندی "
اسکے سر پر کئی اینٹیں رکھی ہوئی تھیں ۔ لاغر جسم اس قابل نہیں تھا کہ وہ اتنا بوجھ اٹھا لیتا ۔ پھر بھی بضد تھا کہ دوچار اینٹیں اور اوپر رکھ دی جائیں ۔ بڑھاپا ، غربت اور ضرورت نے مل کر اسے مجبور کر رکھا تھا کہ تپتی دھوپ میں یہ مشقت جاری رکھے ۔ میں نے کتنی دیر سے اس پر نظر جما رکھی تھی ، نہ اسکی رفتار میں کمی آئی اور نہ اس نے تھکان کا اظہار کیا ۔
" بابا جی ! تھوڑا سانس لے لیں "
میں نے کندھے پہ ہاتھ رکھ کر کہا ۔
" میں نے سانس لے لیا تو اسکا سانس رک جائے گا ۔ میں اسے نہیں مرنے دوں گا "
بوڑھے مزدور نے دو اور اینٹیں سر پر رکھتے ہوئے کہا تو میرا تجسس اور بڑھ گیا کہ وہ کونسی ایسی ذمہ داری ہے جس نے اسکے لاغر جسم میں اتنی طاقت بھر دی ہے ۔
" وہ کون ؟ " میرا سوال میرے تجسس کی تکمیل کیلئے تھا ۔
" بیٹا ! میرا وقت برباد نہ کرو ۔ میں نے ساری اینٹیں اس جگہ پہنچانے کا ٹھیکہ کیا ہے ۔ جتنی جلدی پہنچا دوں گا ، اتنی جلدی مجھے مزدوری مل جائے گی ۔ اور میں گھر پہنچ جاوں گا ۔ "
میں بابا جی کی بات سن کر ایک طرف  بیٹھ کر فارغ ہونے کا انتظار کرنے لگا ۔ اسکا کام ختم ہوتے ہی دوبارہ اس کی طرف بڑھا ۔
" آئیں ! میں آپ کو آپکے گھر چھوڑ دیتا ہوں " میری پیشکش پر اس نے کوئی ردعمل نہیں کیا اور گاڑی میں بیٹھ گیا ۔
" بیٹا ! میری بیوی بہت سخت بیمار ہے ۔ میرا ایک بیٹا ہے وہ مزدوری کر کے گھر چلا رہا تھا ، چند دن پہلے ہمارے علاقے کے ممبر نے اسے گرفتار کروا دیا ہے کیونکہ اس نے اسے ووٹ دینے سے منہ پہ انکار کر دیا تھا ۔ پولیس والے تو امیروں کی سنتے ہیں ، ہم غریبوں کی کون سنتا ہے "
اس نے چند لفظوں میں ساری داستان کھول دی ۔
" میری بیوی نے ساری عمر ایک ایک پل میرا خیال رکھا ہے ۔ مجھ غریب سے کبھی کوئی تقاضا نہیں کیا ۔ کوئی ایسا سوال نہیں کیا کہ میں پورا نہ کرسکوں تو مجھے شرمندگی ہو ۔ جس دن سے بیٹا پکڑا گیا ہے ، بستر سے نہیں اٹھی ۔ ڈاکٹر کہتا ہے کہ مرض جان لیوا  ہے ۔ مرض نے اسے اندر سے کھوکھلا کر رکھا ہے "
باباجی کی آنکھیں پر نم تھیں ۔
" میں لڑتا ہوں کہ اس نے مجھے اپنی بیماری سے اگاہ کیوں نہیں کیا ۔ تو ہنس کر کہتی ہے ۔
اگر تجھے بتا دیتی تو تو کیا کر لیتا ۔ یہی نا کہ اپنی ہڈیاں توڑتا ۔ کہاں سے لاتا ڈھیروں پیسے میرے علاج کیلئے ۔ بیٹا بھی پریشان ہوتا ۔ کیوں امتحان میں ڈالتی تم دونوں کو ۔ کیا تجھے اس غم میں مار دیتی؟ "
بابا جی رونے لگے۔
" بیٹا ! اگر وہ مر گئی تو میں کیسے جی سکوں گا ۔ بس میں نے ٹھان لی ہے کہ اسے اپنے مرنے سے پہلے نہیں مرنے دوں گا ۔ اسلئے یہ مزدوری مجھے تھکن نہیں کرتی "
سفر زیادہ طویل نہیں تھا ۔ ہم اسکے ٹوٹے پھوٹے گھر کے سامنے تھے ۔ ایک خستہ حال بڑھیا دروازے پہ کھڑی منتظر تھی ، جیسے نو بیاہتا دلہن اپنے دلہا کا انتظار کر رہی ہو ۔
" بڈھے ہو گئے ہو پر عقل نہیں آئی ۔ کیا میری بیماری کیلئے خود کو مارو گے ۔ ان ہڈیوں کو مت توڑو ، جانتی ہوں کہ سارا دن کوئی مشقت کا کام کرتے ہو ۔ تمہاری رگ رگ سے واقف ہوں ۔ ساری رات کراہتے ہو تھکن سے "
بابا جی مسکرائے جیسے کسی پارک سے گھوم کر لوٹے ہوں اور بیوی سمجھ رہی ہو کہ بہت محنت کر کے آیا ہے ۔
" یہ بڑھیا پاگل ہے بیٹا ۔ سمجھتی ہے کہ میں سخت مزدوری کر کے آتا ہوں ۔ بھلا مجھ جیسے کو کون مزدوری دے گا ، یہ اس بابو کی مہربانی ہے تھوڑے سے کام کے ڈھیر سارے پیسے دے دیتا ہے "
بابا جی نے ایک جھوٹ میں مجھے بھی شامل کر لیا ۔
" جانتی ہوں تیری مکاریاں "
دونوں مسکرا  رہے تھے اور میں بت بنا کھڑا قربانی اور وفا کا شاہکار دیکھ رہا تھا ۔ دونوں جھوٹ بھی بول رہے تھے اور سچ بھی ۔ دونوں احسانمندی کی بیماری کا شکار بھی تھے ۔
آزاد ھاشمی
٢٢ اکتوبر ٢٠١٨

خیرآت کیسے ہو

"خیرآت کیسے ہو ؟"
خیرات کرنے والے کے ذہن میں جو سب سے اہم بات کا ہونا لازم ہے , وہ یہ نہیں کہ وہ کسی مستحق کی مدد  کر رہا ہے اور مستحق کو اسکی حالت کے مطابق دینا کافی ہے ۔ ہمارے معاشرے میں روایت بن چکی ہے کہ جب کوٸی اشیاٸے خورد و نوش , ہمارے استعمال کے مطابق نہیں ہوتیں تو ہم خیرات کیلٸے رکھ لیتے ہیں ۔ جو لباس اپنے لٸے موزوں نہیں لگتا وہ غریبوں میں بانٹنے کیلٸے رکھ لیتے ہیں ۔ گھر میں خدمت کرنے والے ملازمین کو اپنا اترن دیتے ہیں اور قوی امید ہوتی ہے کہ وہ غریب ملازم خوش ہو جاٸے گا اور اسکے دل سے نکلی ہوٸی دعا , ہماری جنت کی سند بن جاٸے گی ۔ کبھی سوچا ہی نہیں کہ کیا معلوم اس نے وہ کپڑے لیتے ہوٸے کتنی بار ہمارے زیب تن لباس کو حسرت سے دیکھا ہوگا ۔ کتنی بار سوچا ہوگا کہ کاش ! وہ بھی نئے کپڑے پہنتا ۔ گھر میں کام کرنے والی ماسی جب ہر پلیٹ سے بچا ہوا کھانا جمع کر رہی ہوتی ہے کہ جاکر اپنے بچوں کو بھی چند ہڈیاں چوسنے کو دے گی ۔ تو ہم کبھی نہیں سوچتے کہ اسکے معصوم بچے بھی ہمارے بچوں جیسے ہی دل رکھتے ہیں ۔ کیوں نہ اسے تازہ کھانے کا بندوبست کردیں ۔
یہ وہ ستم ظریفی ہے ، یہ وہ سوچ کی پستی ہے ، یہ وہ خود غرضی ہے ، جس نے ہمارے معاشرہ کو طبقات میں تقسیم کر دیا ۔ ایک طبقہ نسل در نسل اشرافیہ ہے اور ایک طبقہ نسل در نسل غلام ۔
ہم اپنے خول سے باہر نہ دیکھتے ہیں اور نہ سوچتے ہیں ۔ ہمیں صرف اپنے اپنے بچوں کو کامیاب دیکھنے کا ارمان رہتا ہے ، کبھی خیال نہیں آتا کہ جن اقرباء ، یتامیٰ ، مساکین اور مستحقین کی خبر گیری کا ہمیں حکم ملا تھا ، ہم نے  انہیں یکسر بھلا رکھا ہے ۔ خیرات یہ نہیں تھی کہ بچا کچھا اور جو اپنے استعمال کے لائق نہ رہے ، وہ دے دیا جائے ۔ خیرات کا تصور یہ تھا کہ جو عزیز ہو،  وہ دیا جائے ۔ اپنا شکم بھرنے سے پہلے ، کسی بھوکے کو تلاش کیا جائے اور اپنے حصے میں سے اسے حصہ دیا جائے ۔ خیرات یہ تھی کہ جو زاید از ضرورت ہے اسے ذخیرہ نہ کیا جائے تاکہ معاشرے سے بھوک ختم ہو ۔ اللہ سبحانہ تعالیٰ نے اس خیرات کے بدلے کئی گنا دینے کا وعدہ کر رکھا ہے ، جو اسکے حکم کے مطابق ہو ۔ بچے کھچے اور اپنی اترن دیکر خیرات کا تصور ہی غلط ہے ، ادہورا ہے ۔ ہمیں اپنے اپنے رویوں کو دیکھنا ہوگا ، تبدیل کرنا ہوگا ۔ کیونکہ خیرات اسی کے نام پر دی جاتی ہے ، جو ہمیں خیرات دینے کے قابل کرتا ہے اور وہ ہے اللہ کی ذات ۔ پھر بچا کھچا اور پھٹا پرانا دے کر ہم اپنے اوپر اللہ کے فضل کا حق ادا نہیں کرتے ۔ اسکی قوی اور قادر ذات کیلئے کیا مشکل تھا کہ خیرات کرنے والے ہاتھ کو خیرات لینے والا ہاتھ بنا دیتا تو کیا صورت حال ہوتی ۔ اسلئے جب بھی خیرات کا ارادہ کریں تو سوچ کر کریں ۔ اللہ کے شکر کے طور پر کریں ۔
آزاد ھاشمی
٢٢ اکتوبر ٢٠١٩

اللہ کے نیک بندے "

" اللہ کے نیک بندے "
اللہ سبحانہ تعالیٰ نے سورہ الدھر میں اپنے نیک بندوں کی کچھ نشانیاں بیان فرمائی ہیں ۔ اس سے ایک تو ہم اپنا احتساب بھی کر سکتے ہیں کہ اللہ کے ہاں ہم کس مقام پہ کھڑے ہیں اور دوسروں کے بارے حاننے میں آسانی ہو جاتی ہے ۔ قرآن کی معراج ہے کہ اسے پڑھنے اور سمجھنے کے بعد کوئی ابہام باقی نہیں رہتا ۔
فرمایا
"وہ لوگ منتیں (نذر)پوری کرتے ہیں ،  اور اس دن سے ڈرتے ہیں ، جس کی مصیبت ( چاروں طرف) پھیلی ہوئی ہوگی "
پہلے تو یہ سمجھنا ضروری ہے کہ منت یا نذر کا مفہوم کیا ہے ؟ 
ہر وہ نیک عمل انسان پر واجب نہ ہو اور انسان اس کو اپنے اوپر واجب کرلے ، اس کو ’’ نذر ‘‘ کہتے ہیں ، جیسے نفل نماز واجب نہیں ہے ، لیکن کسی نے اپنے ذمہ واجب کرلیا تو اب اس کا پورا کرنا واجب ہے ۔ تو اللہ کے نیک بندے وہ تمام نیک عمل بھی پورے کرتے ہیں ، جو واجب تو نہیں مگر انہوں نے اپنے لئے واجب کر رکھے ہیں ۔ اور نہایت باقاعدگی سے پورے کرتے ہیں ۔ اگلی ہی آیت میں کچھ ایسے واجب کا ذکر فرمایا گیا جو اللہ کے ان نیکو کار لوگوں اپنے اوپر لازم کر رکھے ہیں ۔ فرمایا ۔
" اور خود چاہت رکھنے کے باوجود محتاج ، یتیم اور قیدی کو کھلاتے ہیں "
اپنے ضرورت سے زاید کی خیرات اور اپنی ضرورت کو پس پشت ڈال کر دوسرے حاجت پوری کرنا ، دونوں میں بہت فرق ہے ۔ یہی وہ عمل ہے جسکا ذکر کیا گیا ہے کہ اللہ کے یہ نیک بندے اپنی بھوک کو روک کر بھی محتاج یعنی جو خود سے اپنی ضروریات  پوری نہیں کر سکتا ، یتیم جو اپنے وسائل پر قادر نہیں کو کھلا دیتے ہیں ۔ انہی میں قیدی کا ذکر کرنے میں بہت بڑی بلاغت ہے ۔قیدی معاشرے میں بحیثیت مجرم سمجھا اور پہچانا جاتا ہے ۔  ایک مجرم کے ساتھ ہمدردی کا جذبہ کم ترین سطح پہ چلا جاتا ہے ۔ اللہ کے نیک بندے وہی ہیں جو کسی بھی شخص کے کردار سے زیادہ اس کی ضروریات زندگی پر نظر رکھتے ہیں اور معاشرے کے دھتکارے ہوئے شخص کو بھی اپنی بھوک کاٹ کر کھانا فراہم کرتے ہیں ، وہ ایسا کیوں کرتے ہیں ۔ اگلی آیت میں فرمایا ۔
" اور وہ کہتے ہیں : ہم تم کو اللہ ہی کی خوشنودی کے لئے کھانا کھلا رہے ہیں ، نہ ہم تم سے بدلہ چاہتے ہیں اور نہ شکریہ ۔ہمیں اپنے پروردگار سے اس دن کا ڈر لگا رہتا ہے جو ہولناک اور سخت دن ہوگا "
یعنی اس ساری نیکی کے پیچھے کوئی ستائش طلب نہیں ہے ۔ نہ یہ عمل کسی احسان کی نظر سے کیا جا رہا ہے بلکہ سب اللہ کی رضا کیلئے ہے کہ کہیں روز جزا اللہ اس بات پر نہ پکڑ لے کہ اسکے ضرورت مند بندوں کا خیال کیوں نہیں رکھا گیا ۔ یہ ساری کیفیت خشییت کی ہے اور اللہ کی رضا کی طلب سے ہے ۔
آزاد ھاشمی
٧ اکتوبر ٢٠١٩

رکشے والا بادشاہ "

" رکشے والا بادشاہ "
قدرت کا نظام بھی عجیب ہے ،  کبھی سب کچھ دے کر بھی غریب رکھتا ہے اور کبھی کچھ نہ دے کر بھی تونگر بنا دیتا ہے ۔ تونگری پیسے سے نہیں ملتی ، دل سے ملا کرتی ہے ۔ یہی کہانی ہے ، میرے دوست ، میرے محسن اور میرے بہادر بھائی " طارق جاوید " کی ۔ شناسائی  چند سال پہلے ابتدائی تعارف سے اسی طرح ہوئی ، جسطرح سوشل میڈیا کی روایت ہے ۔  جہاں ہم ایک دوسرے کو سرسری سا جانتے ہیں ، اس سے زیادہ نہ ضرورت محسوس کرتے ہیں اور نہ قربت بڑھانے کے خواہاں ہوتے ہیں ۔ جس جس کو جو جو جنون ہے ، اسی میں لگا رہتا ہے ۔ نا معلوم ، مجھے اس دوست میں کوئی خاص بات محسوس ہوئی ، جب پہلا تعارف ہوا ۔ پھر بات آئی گئی ہوئی اور یہ بہادر دوست میرے ہزاروں دوستوں کی قطار میں کہیں کھو گیا ۔ نہ اس نے تلاش کی اور نہ میں نے ڈھونڈھا ۔ پھر اچانک خیال آیا اور دوبارہ تلاش کی اور آج فخر سے گردن اکڑائے بیٹھا ہوں کہ میرے دوستوں میں سب سےبلندی پر اور قربتوں میں سب سے قریب یہی " رکشے والا بادشاہ " ہے ۔ سوچتا ہوں کہ اللہ پاک نے اسے اتنا قد اور کاٹھ دے رکھا ہے کہ میں اسکے سامنے ، چند بالشت کا بونا لگ رہا ہوں ۔ جہاں سے اسکے گھٹنے شروع ہوتے ہیں وہاں میرا قد ختم ہو جاتا ہے ۔ میری ساری زندگی کی کمائی اسکی چند لمحوں کی کمائی سے بھی کم ہے ۔ ساری زندگی رکشے پہ سواریوں کے نخرے اٹھا کر چند سکوں پر اپنا گزارہ ہی نہیں کیا بلکہ سب کا سب غریبوں اور مستحق بچوں کا مستقبل سنوارنے میں لگا دیا ۔ خودداری کا یہ پہاڑ نہ کبھی گھبرایا ، نہ اللہ سے شکوہ کیا ۔ اللہ کی رحمتیں لوٹنے والے اس انسان کو اللہ نے جو " ملکہ " عطا کی ، اسکا بھی وہی مزاج جو بادشاہ کا ۔ خود نمک اور پانی میں روٹی ڈبو کر کھا لی اور دوسروں کو مرغی کھانے کے راستے سکھا دئیے ۔ اللہ کے اپنے ارادے اور فیصلے ہوتے ہیں ۔ انسان کو کبھی سمجھ آ جاتے ہیں اور کبھی بھول بھلیوں میں پڑا رہتا ہے کہ ایسا کیوں اور ایسا کیوں نہیں ۔ اولاد کی خواہش ہر شخص کو ہوتی ہے ، اس ملکہ اور بادشاہ کو بھی تھی ۔ مگر اللہ نے اس نعمت سے محروم رکھ کے اب سینکڑوں بچے نواز دئیے ۔ جو یہاں آتے رہے ، آتے رہیں گے ۔ تعلیم کا ایک روشن چراغ جلانے والا یہ بادشاہ گذشتہ نو دس سال سے تنہا اپنے مشن کو جاری رکھے بیٹھا ہے ۔ نہ کسی سے مدد کا سوال ، نہ کسی سے مدد کی امید ۔ بڑھتی زندگی کے ساتھ ساتھ صرف ایک فکر کہ
"اگر مجھے اللہ نے بلا لیا تو میرے خواب ادھورے نہ رہ جائیں "
میں نے خود کو اسی ترازو پہ تولا تو میرا وزن اسکے سامنے ہیچ تھا ۔ وہ کچھ نہ ہوتے ہوئے بھی جیت گیا اور ہم سب کچھ رکھ کر بھی ہار گئے ۔ وہ اللہ کی رضا لے گیا اور ہم دنیا کے پیچھے خوار ہوگئے ۔
اے کاش ! یہ فکر اور ولولہ ہمیں بھی مل جائے ۔
اے کاش! اللہ رحیم و کریم مجھ جیسے دنیا پرست کو بھی اس لذت سے نواز دے ۔
اے کاش ! ہم  بھی اللہ کیطرف سے کسی ایسی خدمت کیلئے چنے جائیں ۔
اے کاش ! اے کاش !
آزاد ھاشمی
٨ اکتوبر ٢٠١٩

قرآن جمع کرنے کی ذمہ داری "

"قرآن جمع کرنے کی ذمہ داری "
قرآن کی بلاغت کا بہترین ثبوت ہے کہ جو بھی سوال  غلط فہمی پیدا کر سکتا ہے ، ہر اس سوال کا جواب چودہ سو سال پہلے سے نزول قرآن کے ساتھ ہی موجود ہے ۔ 
اللہ سبحانہ تعالیٰ نے اپنے رسولؐ کو مخاطب کرتے ہوئے فرمایا ۔
" قرآن کا جمع کرنا اوراس کا پڑھانا ہمارے ذمہ ہے ،تو جب ہم قرآن پڑھا کریں تو آپ اس کے پڑھنے کی پیروی کریں ۔پھر اس کی تشریح کرنا بھی ہمارے ہی ذمہ ہے "
اس مضمون سے متعدد باتیں معلوم ہوتی ہیں ، اول یہ کہ ایسا نہیں ہے کہ قرآن مجید آپؐ کے بعد جمع ہوا ہو ، بعد کو جمع کئے جانے کی حقیقت صرف اس قدر ہے کہ قرآن کو کتابی شکل میں لکھا گیا ، ورنہ تو قرآن خود اللہ تعالیٰ نے اپنے رسول کے سینے میں جمع کردیا تھا اور اسی کے مطابق آپؐ نے قرآن کو لکھوایا تھا ، دوسری بات یہ معلوم ہوئی کہ قرآن جس لب و لہجہ میں پڑھا جاتا ہے اور جس طرح آپ نے صحابہ کو پڑھنا سکھایا ہے ، وہ بھی اللہ ہی کی طرف سے ہے ، یعنی قرآن کے الفاظ بھی اور اس کے پڑھنے کا اُسلوب بھی من جانب اللہ محفوظ ہے ۔  قرآن کی بلاغت ہے کہ ہر آیت  اورہر حکم  کو ساتھ ساتھ کھول کھول کر بیان کیا گیا ۔  جس حکم کی بار بار ضرورت تھی اسے بار بار دہرایا جاتا ہے ۔ یہی اسلوب ہے جسکا ذکر مذکورہ آیات میں کر دیا گیا ۔
اسلامی تاریخ کا المیہ ہے کہ بنو امیہ کے حکمرانوں نے بیشمار اختراعات پیدا کر دیں ۔ احادیث کے نام پر بیشمار بے سروپا روایات کو ہادئی کائنات سے منسوب کر دیا گیا ۔ جس ہستی کا وجود ہی اسلئے تھا کہ ہر پیچیدگی کو حل کر دیا جائے تاکہ امت مسلمہ دنیا میں بہترین امت ثابت ہو ۔ اسی ہادئی برحق کے نام سے متضاد احادیث بنا کر ایک گھمبیر صورت پیدا کر دی گئی ۔ اسی ضمن میں تدوین قرآن کی پیچیدگی نے جنم لیا ۔ کہا گیا کہ قرآن کی تدوین اور ترتیب خلفاء راشدین کے دور میں ہوئی مگر کوئی ٹھوس دلائل سامنے نہیں آسکے کہ کس دور خلافت سے حتمی طور پر جوڑا جا سکے ۔ اگر اسے تسلیم کر لیا جائے کہ قرآن ٹکڑوں کی صورت میں کبھی پتوں پر لکھا گیا ، کبھی چمڑے کے ٹکڑے پر اور کبھی کسی کاغذ پر ۔  جو بعد میں جمع کی گئیں اور قرآن کی کتابی شکل میں تدوین ہوئی تو قرآن مجید کی اس آیت سے صریح انکار ہے ، جسکا تذکرہ اوپر کیا گیا ہے ۔
آزاد ھاشمی
٦ اکتوبر ٢٠١٩

ندامت

" ندامت "
آج چند مزدور لوگ کسی کام سے میرے گھر پہ تھے . ان میں سے ایک مسلمان اور باقی عیسائی تھے . میں نے چائے پیش کی کیونکہ وہ لوگ بہت تھک گئے تھے . ان میں سے دو نے شراب یا بئیر کی خواہش کا اظہار کیا . میں نے معذرت کر لی کہ ہم مسلمان ہیں . ہمارے مذہب میں شراب , جوا , زنا اور ایسے معاشرتی جرائم پر سخت پابندی ہے . حتی کہ مرد اور عورت کا اختلاط بھی ممنوع ہے .
وہ یہ سن کر خاموش ہونے کی بجائے ایک دوسرے کو دیکھ کر ہنسنے لگے . مجھے غصہ بھی آیا کہ انہوں نے میری مہمان نوازی کا تمسخر اڑایا ہے . ان میں سے ایک بولا .
" کیا یہ آپ کے ملک کا قانون ہے , یا اسلام کا "
میں نے تفصیل سے بتایا کہ یہ اسلام کا قانون ہے اور کیوں ہے . اس سے معاشرے کو کیا فائدہ ملتا ہے . وغیرہ وغیرہ .
" جب یہ سب آپکے مذہب کے اصول ہیں تو پھر تمہارے مسلمان بھائی ان اصولوں کو یہاں آکر کیوں بھول جاتے ہیں . مسلمانوں کو چھوڑیں , آپ کے پاکستانی تو یہاں پر شراب بھی پیتے ہیں , زنا بھی کرتے ہیں , تمام کسینو میں بیشمار پاکستانی , عرب اور دیگر مسلمان جوا بھی کھیلتے ہیں . اگر سچ بولوں تو یہ تمام جوا خانے مسلمان لوگوں سے آباد ہیں . ہمارے کالے تو اس قابل ہی نہیں کہ جوا کھیل سکیں "
وہ بڑی شدت سے میری حالت کو جھنجھوڑ رہا تھا .
" صاحب ! میں نے کئی مسلمانوں کے گھروں میں مزدوری کی ہے . انکے کچن کیبنٹ , اعلی قسم کی شرابوں سے بھرے دیکھے ہیں . میں نے انہیں گھروں میں جوا کھیلتے دیکھا ہے . انکے گھروں کی ملازمائیں انکی بیویاں لگتی ہیں . "
میرے پاس , سوائے اسکے کہ میں ان تمام الزامات سے انکار کر دوں , کوئی راہ فرار نہیں تھا . ندامت کا احساس ضرور تھا .
ازاد ہاشمی

کونسی چیز دوزخ لے گئی؟ "

" کونسی چیز دوزخ لے گئی؟ "
سورہ المدثر میں فرمایا کہ جب دوزخ میں جانے والوں سے بہشت والے پوچھیں گے  کہ تمہیں کونسی چیز دوزخ میں لے گئی تو وہ کہیں گے ۔
"نہ ہم نماز پڑھا کرتے تھے "
"نہ فقیر کو کھانا کھلاتے تھے ،"
"ہم بھی باتیں بنانے والوں کے ساتھ باتیں بنانے لگتے تھے "
"اور ہم لوگ قیامت کے دن کو جھٹلایا کرتے تھے "
"یہاں تک کہ ہم کو موت آگئی "
نماز کی اہمیت سے ہر مسلمان اگاہ ہے ۔ کہ ارکان اسلام میں اور عبادات میں نماز کو بنیادی حیثیت حاصل ہے ۔ یہ وہ واحد رابطہ ہے جو دن میں پانچ بار براہ راست اللہ سے کرنے کی تاکید ہے ۔ جو شخص اللہ کے سامنے حاضر ہونے میں تامل یا تساہل کرتا ہے ،
وہ براہ راست اللہ کے حکم سے سرکشی کا مرتکب ہو جاتا ہے ۔ نماز سے فرار کے بعد , اسکی تمام اطاعت و ریاضت بے معنی ہے ۔ یہی وجہ ہے کہ دوزخ میں جانے والے اس کا اقرار کریں گے کہ وہ نماز نہیں پڑھا کرتے تھے ۔ گویا وہ اللہ کے نافرمان اور سرکش تھے ۔ اللہ کے اس اہم حکم کی سرتابی کرتے تھے ۔
دوزخ میں جانے کی دوسری وجہ کسی بھوکے سوالی کو اہمیت نہ دینا ہے ۔ ہمارے معمولات زندگی میں اکثر مشاہدہ ہوتا ہے کہ جب کوئی مانگنے والا " روٹی " کیلئے سوال کرتا ہے تو ہم پہلے اسکا بخوبی جائزہ لیتے ہیں ، پھر اسے کئی القاب سے نوازتے ہیں ، پھر اسے " ہٹا کٹا " کہہ کر دھتکار دیتے ہیں ۔ از خود فیصلہ کرنے بیٹھ جاتے ہیں کہ مانگنے والا مستحق ہے یا نہیں ۔ مگر یہ معمولی سی لغزش دوزخ کا راستہ ہے ۔ دوسری دو وجوہ جن کا اقرار دوزخ والے کر رہے ہیں کہ وہ احکامات ربی ، ہدایت کیلئے مبعوث ہونے والے انبیاء ، صالحین اور اللہ کے دین کو پھیلانے والوں سے بحث و تمحیص میں الجھے رہنا ہے ۔ طرح طرح کے موضوع تلاش کرنا اور دین سے انحراف کی وجوہ ڈھونڈھنے والوں کے ساتھ مل جانا ۔ جزا اور سزا کے دن کو صرف بے وجہ کی کہانی سمجھنا  ۔ یہ وہ سب کچھ ہے جو آج ہمارے ارد گرد معمول بن چکا ہے ۔ دین کی بات کرنے والوں سے بلا وجہ کی بحث چھیڑ کر بیٹھ جانا ، قابلیت تصور ہونے لگی ہے ۔ پھر اسی زعم میں ہوش آنے سے پہلے موت آ جاتی ہے اور دنیا کے فلاسفر دوزخ کا سارا سامان باندھ کر رخصت ہو جاتے ہیں ۔
آزاد ھاشمی
۵ اکتوبر ٢٠١٩

اِلَّا الْمُصَلِّیْنَ "( ٤ )

اِلَّا  الْمُصَلِّیْنَ "( ٤ )
اللہ سبحانہ تعالیٰ نے امت محمدیہؐ پر  ایک احسان تو یہ فرمایا کہ اپنے سب سے پیارے محبوب کو ہدایت کیلئے رسول بنا کر بھیجا  ، دوسرا احسان یہ فرمایا کہ نہایت عام فہم اور بلیغ ضابطہ حیات قرآن کی شکل میں عطا کیا کہ ہماری رہنمائی اسی راستے پر ہو جو اللہ چاہتا ہے اور تیسرا احسان یہ فرمایا کہ اس بلیغ ضابطہ حیات کی حفاظت اپنے ذمہ رکھی تاکہ پہلی کتابوں کیطرح تحریف و تخفیف نہ ہونے پائے ۔
ہم نے ان تمام احسانات کو اسطرح دیکھا ہی نہیں جو اسکا حق تھا ۔ چند عبادات کو پورا کر لینے کو ہی مکمل دین سمجھ لیا ۔ ایک عام فہم مسلمان ہی نہیں بلکہ عالم فاضل بھی یہی سمجھتے ہیں کہ اگر نماز کی باقاعدہ ادائیگی ہوتی رہے ، حج کا فریضہ ادا کر لیں تو بس بخشش کے سارے تقاضے پورے ہو گئے ۔ سورہ المعارج میں نماز کی درست ادائیگی کرنے والوں کا تذکرہ اسی لئے فرمایا کہ مسلمان غافل نہ رہیں کہ اصل اور حقیقی نماز پڑھنے والوں کے اوصاف کیا ہوتے ہیں ۔
انہی اوصاف میں فرمایا
"اور وہ لوگ کہ جو اپنی امانتوں کا اور اپنے وعدہ کا خیال رکھتے ہیں "
امانت کا مفہوم صرف یہ نہیں کہ کسی نے آپ کے پاس مال و زر رکھا دیا اور آپ نے اسے من و عن واپس کیا ۔ تو امانتداری کا تقاضا پورا ہوگیا ۔ بلکہ ہر وہ ذمہ داری جو آپ پر لازم ہے اسکو بعینہ پورا کرنا امانت داری میں آتا ہے ۔ کسی کا حق تلف کرنا ، خیانت ہے خواہ وہ حق کسی بھی زمرے میں آتا ہو ۔ اگر کوئی شخص کہیں ملازم ہے اور وہ اپنے فرائض ملازمت احسن طریقے سے ادا نہیں کرتا تو وہ امانت دار نہیں بلکہ خائن ہے ۔ نماز میں چونکہ حاضری ہوتی ہے اللہ کے سامنے تو خیانت کیصورت میں اللہ کے سامنے جانے سے خوف آنا ، حقیقی نمازی کی صفت ہے ۔ ایک اور صفت بیان فرمائی گئی کہ جب ان سے کوئی گواہی طلب کی جاتی ہے تو
"اور جو ٹھیک ٹھیک گواہی دیتے ہیں "
کیونکہ گواہی میں جھول یا مصلحت کے تحت ردوبدل بھی خیانت ہی ہے ۔ مزید فرمایا
"نیز اپنی نمازوں کی پابندی کرتے ہیں "
پابندی سے مراد وقت پر ادائیگی بھی اور اس طرح نماز پڑھنا بھی شامل ہے ، جسطرح گذشتہ آیات میں فرمایا گیا ، جسطرح قرآن میں بیان ہوا اور جو اسوہ حسنہ ہے ۔
آزاد ھاشمی
٣ اکتوبر ٢٠١٩

اِلَّا الْمُصَلِّیْنَ "( ٣ )

" اِلَّا  الْمُصَلِّیْنَ "( ٣ )
اللہ سبحانہ تعالیٰ نے نماز کی ادائیگی اور درست نماز پڑھنے والوں کے خصائل  کو نہایت وضاحت سے بیان فرمایا ہے ۔ تاکہ کوئی ابہام میں نہ رہے کہ اس نے نماز کا فرض ادا کر دیا ہے تو یہ کافی ہے ۔ حقیقی نمازیوں کی نشانیاں واضع کرتے ہوئے سورہ المعارج میں فرمایا۔
" اور جو اپنی شرمگاہوں کی حفاظت کرتے ہیں ،سوائے اپنی بیویوں یا باندیوں کے کہ  کوئی ملامت نہیں ۔
البتہ جو اس کے علاوہ کچھ اور کا طلب گار ہو تو وہی لوگ حد سے گزر جانے والے ہیں "
اگر انسان پر شہوانی خواہشات کا غلبہ ہو جائے تو حیوانی جبلت کا شکار ہو جاتا ہے ۔    یہی شیطان چاہتا ہے کہ انسان پر شہوانیت کا غلبہ کرا دے ۔ پھر وہ جو بھی عبادت کرے گا ، اسکا حق ادا نہیں کر پائے گا ۔ اس آیت میں بظاہر تخاطب صرف مرد حضرات ہیں کیونکہ بیویوں اور باندیوں کی شرط شامل ہے ۔ مگر جب نماز یا کسی بھی عبادت کا ذکر ہو گا تو اس میں خواتین بھی مذکور ہوتی ہیں ۔ جب
" شرمگاہوں کی حفاظت " کی شرط شامل ہے تو یہ بعینہ عورتوں پر بھی ہے ۔ اب عورت کو چونکہ ایک وقت میں ایک مرد کے عقد تک محدود کیا گیا ہے ۔ جبکہ مرد کو اجازت مختلف ہے ۔ اسلئے آیت کے دوسرے حصے میں مردوں کو تخصیص سے اگاہ فرما دیا گیا ہے کہ انکی حدود کیا ہیں ۔
شرمگاہوں کی حفاظت سے مراد یہ بھی ہے کہ کوئی ایسا حصہ کھلا نہ رکھا جائے جو مخالف صنف کو گناہ کی دعوت دے ۔ عورتوں اور مردوں کے آزاد اختلاط اور لباس کا معقول خیال نہ رکھا جانا ، مخالف صنف کی بر انگیختی کا سبب ہو سکتی ہے ۔ خصوصی طور پر عورتوں کے اعضاء کا ظاہر ہونا بھی جائز تصور نہیں ہے ۔ کیونکہ یہ بھی شرمگاہ کی حفاظت نہ کرنے کے ذمرے ہی میں آئے گا ۔ اسلئے صالح طریقے سے نماز کی ادائیگی ان تمام حدود کا خیال رکھنے سے مشروط کر دی گئی کہ جن سے کوئی بھی شہوانی رغبت کا باعث بن سکے ۔
زنا ایک کبیرہ گناہ ہے ، اور جو شخص کبیرہ گناہ سے اجتناب نہیں کر سکتا ، اسکے لئے کسی ایک فرض کی ادائیگی قطعی بے معنی ہے ۔
۔۔۔۔ جاری ہے ۔۔۔۔
آزاد ھاشمی
٢ اکتوبر ٢٠١٩